పటేల్ సర్.. టీజర్ తోపాటే ట్విస్ట్ కూడా...

Posted: 07/04/2017 10:50 AM IST

పూజా కార్యక్రమాలు మొదలుపెట్టక ముందే ఏకంగా పటేల్ సర్ అంటూ టీజర్ తోనే షాకిచ్చాడు జగపతి బాబు అలియాస్ జగ్గూ భాయ్. శరవేగంగా షూటింగ్ జరిపేసుకున్న ఈ చిత్రం ఇప్పుడు రిలీజ్ కు కూడా రెడీ అయిందంటూ మరో ట్విస్ట్ ఇచ్చేశాడు. జూలై 14న సినిమా రిలీజ్ అవుతుందని అఫీషియల్ గా టీజర్ తో అనౌన్స్ చేసేసింది చిత్ర నిర్మాణ సంస్థ వారాహి చలన చిత్రం.

ఇక ప్రీ టీజర్, ఫస్ట్ లుక్ తో రగ్గ్ గాయ్ గా కనిపించిన ఈ సీనియర్ నటుడు ఇందులోనూ అదే కొనసాగించాడు. బుల్లెట్ పై ఓ చిన్న పాపను వెంటేసుకుని రౌడీలను తరమటం, పబ్ లో పటేల్ సార్ సాంగ్.. థీమ్. తన చుట్టూ చేరిన రౌడీలను ఖాతరు చేయకుండా వన్ మోర్ పెగ్ ప్లీజ్ అంటూ డైలాగ్ చెప్పటం, అదనంగా క్లీన్ షేవ్ తో ఉన్న జగ్గూభాయ్ హీరోయిన్ పద్మప్రియ తో రొమాంటిక్ కోణాన్ని కూడా ఇందులో చూపించేశాడు.

 

ఇక చివర్లో జస్ట్ కాల్ మీ సర్ అంటూ చెప్పే డైలాగ్ తో టీజర్ ను ముగించేశారు. వాసు పరిమి అనే కొత్త దర్శకుడు తీస్తున్న ఈ సినిమా తెలుగుతోపాటు తమిళ్ లో కూడా రిలీజ్ కానుంది. విలనిజంతో రప్పాడించేస్తున్న ఈ సీనియర్ నటుడికి ఈ హీరో వేషాలు ఏ మాత్రం ఫ్లస్ అవుతాయో చూడాలి.