డీజే శరణం భజే టైటిల్ సాంగ్ రిలీజ్

Posted: 05/23/2017 09:00 AM IST

స్టైలిష్ స్టార్ అల్లు అర్జున్ దువ్వాడ జగన్నాథమ్ అలియాస్ డీజేలోని మొదటి పాట ఆన్ లైన్ లోకి వచ్చేసింది. ‘శరణం భజే భజే...’ అనే ట్యూన్ 'విధ్వంసకారుడెవరు..' అంటూ సంస్కృత పదాలతో సాగుతూనే 'డీజే డీజే' వెస్ట్రన్ మ్యూజిన్ ను మిక్స్ చేసి రాసిన లిరిక్ సూపర్బ్ గా ఉంది. బన్నీ పోషిస్తున్న పాత్రను ఎలివేట్ చేసే మాదిరిగా ఈ పాట ఉండనుందనే సంగతి అర్ధమవుతోంది.

జూన్ రెండో వారంలో ప్రీ రిలీజ్ ఆడియో వేడుకను జరపనున్నారు. ఈ లోపు సినిమాలోని మిగతా పాటలను ఒక్కోక్కటిగా ఆన్ లైన్ లో రిలీజ్ చేస్తారు. ఇక ఓవైపు దేవిశ్రీ ప్రసాద్ చేసిన మ్యాజిక్ సూపర్బ్ గా ఉంది. పదాలకు తగినట్లుగా మ్యూజిక్, దానికి స్టిల్స్ ను జత చేసి సింక్ చేసిన తీరు బావుందనే చెప్పాలి.

ఇంకోవైపు ఈ పాటకు కూడా డిజ్ లైక్స్ హంగామా అప్పుడే మొదలైపోయింది. బన్నీ రేంజ్ కు మించిన పాట అంటూ యాంటీ ఫ్యాన్స్ అప్పుడు విరుచుకుపడుతున్నారు కూడా. లేటెస్ట్ బ్లాక్ బస్టర్ సరైనోడు తర్ావత రాబోతున్న డీజే జూన్ 23న విడుదల అవుతుండగా, ప్రస్తుతం పాట లోని పవర్ తో భారీ అంచనాలే మొదలయ్యాయి.