ప్రభాస్-రానా... మరీ బాండింగ్ అంతలానా?

Posted: 04/21/2017 11:25 AM IST

కరణ్ ప్రమేయం లేకుండానే బాహుబలి-2 బాలీవుడ్ ప్రమోషన్ జెట్ స్పీడ్ గా సాగిపోతున్నాయి. స్వయంగా లీడ్ రోల్స్ ప్రభాస్, రానాలే దేశం మొత్తం తిరుగుతూ ఇంటర్వ్యూలతో ఇంటరాక్ట్ అవుతున్నారు. సుడిగాలి పర్యటనతో చుట్టేస్తూ వీళ్లు చేస్తున్న సందడి అంతా ఇంతా కాదు. ప్రభాస్ కూడా తన సిగ్గు పక్కన పెట్టేసి అక్కడి మీడియాతో ఓపెన్ గా మాట్లాడుతున్నాడు.

తెరపై బాహుబలి వర్సెస్ భల్లాళదేవుడిగా వైరం ఎంత ఉన్నా.. బయట మాత్రం వీళ్లు మంచి ఫ్రెండ్స్. ఈ ఐదేళ్ల జర్రీ వీళ్ల మధ్య పెంచిన బాండ్ బాగా పెంచేసింది. అందుకే ఇంటర్వ్యూలలో కూడా చాలా ఈజీగా మూవ్ అవుతూ ఆకట్టుకుంటున్నారు. ఓ ప్రముఖ మీడియా ఛానెల్ కోసం ఇంటర్వ్యూలో వీళ్ల ఫన్నీ ఆన్సర్స్ వీళ్ల ఫ్రెండ్ షిఫ్ ఏపాటిదో చెప్పేసింది. రాఫిడ్ ఫైర్ రౌండ్ లో భాగంగా రానాపై యాంకర్ ప్రభాస్ ను ప్రశ్నలు అడగటం, దానికి యంగ్ రెబల్ స్టార్ ఫన్నీ ఆన్సర్స్, వాటికి రానా ఇచ్చిన ఎక్స్ ప్రెషన్లు... అబ్బో చూసి తీరాల్సిందే.

ముందుగా రానాకు బాలీవుడ్ లో సరిజోడు ఎవరని అడిగిన ప్రశ్నకు కత్రినా, దీపిక పేర్లు చెప్పిన రానా పొడుగు కావటంతో వాళ్లే సూటవుతారని చెప్పుకోచ్చాడు. తర్వాతి క్వశ్చన్ కు రానా అమ్మాయిలను పటాయించటంలో తోపని, హ్యాండ్సమ్ అండ్ మోస్ట్ ఎంటర్ టైనింగ్ వ్యక్తి అంటూ పొగిడాడు ప్రభాస్. చివర్లో ఒకే అమ్మాయి ఇద్దరికి లైనేస్తే ఏం చేస్తారని అడిగిన క్వశ్చన్ గా వారిచ్చిన ఆన్సర్ అదిరిపోయింది. తాము రెడీ అంటూ చెబుతూ.. అది అమ్మాయిపై డిపెండ్ అయి ఉంటుందని ప్రభాస్ తెలిపాడు.