ఫస్ట్ లుక్ : మహానటి బయోపిక్

Posted: 03/08/2017 01:42 PM IST

తెలుగు ప్రేక్షకుల గుండెల్లో చిరస్థాయిగా నిలిచిపోయిన నటి సావిత్రి జీవిత కథ ఆధారంగా ఓ చిత్రం తెరకెక్కబోతున్న విషయం తెలిసిందే. మహానటి పేరుతో ఎవడే సుబ్రహ్మణ్యం దర్శకుడు నాగ్ అశ్విన్ రూపొందిస్తున్న ఈ చిత్రంలో కీర్తి సురేష్ సమంతలు కీ రోల్స్ చేయబోతున్నారు.

ఉమెన్స్ డే సందర్భంగా ఈ చిత్ర ఫస్ట్ లుక్ ను రిలీజ్ చేశారు నిర్మాతలు స్వప్న దత్ మరియు ప్రియాంక దత్ లు. తరాలను నిర్మించే స్త్రీ జాతి కోసం.. తరతరాలు గర్వించే మహానటి సావిత్రి కథ అంటూ పోస్టర్ లో ఓ కొటేషన్ పెట్టారు. రీల్ లైఫ్‌లోనే కాదు రియల్ లైఫ్‌లోను ఎందరికో ఆసరాను అందించిన ఆ మహానటి గురించి తెలియని విషయాలను సుదీర్ఘంగా అధ్యయనం చేశామని, అందుకే కాస్త ఆలస్యం అయ్యిందని వారు వివరించారు.

తొలుత ఈ చిత్రం కోసం నిత్యామీనన్ ను సంప్రదించినప్పటికీ అది కుదరలేదని, చివరికి వేరే హీరోయిన్ తో అది కుదిరిందని చెప్పుకొచ్చారు. తెలుగుతోపాటు తమిళ్ లో కూడా నదిగయర్ తిలగం పేరిట ఈ చిత్రం బైలింగువల్ గా రూపుదిద్దుకుంటోంది.