సీనియర్ కమెడియన్ తవకలై కన్నుమూత

Posted: 02/27/2017 06:06 PM IST

కోలీవుడ్ లోనే కాదు తెలుగు, మలయాళం, హిందీ, సింహళ భాషల్లోని సినిమాల్లో న‌టించి న‌వ్వులు పూయించిన సీనియర్ నటుడు తవకలై(44) ఇక లేడు. మరుగుజ్జు కమెడియన్ గా పాపులర్ అయిన తవకలై అసలు పేరు చిట్టి బాబు. స్వగ్రామం వడపలానిలో ఆదివారం రాత్రి గుండెపోటుతో చనిపోయాడు. 1983లో భాగ్యరాజ్ దర్శకత్వంలో ముందనై ముడిచ్చు ద్వారా ఆయన ఆరంగ్రేటం చేశాడు.

సుమారు 490కిపైగా చిత్రాల్లో నటించి అంద‌రినీ మెప్పించారు. సూప‌ర్ స్టార్ ర‌జినీకాంత్‌తో పాటు స్టార్ హీరోల సినిమాల్లో ఆయన నటించాడు కూడా. ప్ర‌స్తుతం ఆయ‌న‌కు సినీ అవకాశాలు త‌గ్గిపోవ‌డంతో బుల్లితెరపై న‌టిస్తూ ఉన్నాడు.

ఆయ‌న మ‌ర‌ణ వార్త తెలుసుకున్న‌ సినీ పరిశ్రమ దిగ్బ్రాంతికి గురయ్యింది. పలువురు ప్రముఖులు ఆయన మృతికి నివాళులర్పించారు. సోమవారం సాయంత్రమే ఆయ‌న అంత్యక్రియలు నిర్వహించేందుకు కుటుంబ సభ్యులు సన్నాహాలు చేశారు.