రవితేజ రెమ్యునరేషన్... లెక్క తేలింది

Posted: 02/13/2017 11:18 AM IST

Ravi teja to share the profits for his next

ఫ్యామిలీతో గడిపేందుకు లాంగ్ హాలీడేస్ తీసుకున్న మాస్ రాజా రవితేజ ఆ రీజన్ తోనే సినిమాలకు ఇంత గ్యాప్ వచ్చిందని చెప్పటం చూశాం. అయితే బెంగాల్ టైగర్ తర్వాత అడ్డగోలుగా రెమ్యునరేషన్ డిమాండ్ చేయటంతోనే మూడు ప్రాజెక్టులు చేతి నుంచి జారవిడుచుకున్నాడన్నది ఓపెన్ సీక్రటే. సినిమా మార్కెట్టే 20-25 కోట్ల మధ్య ఉంటే, రెమ్యునరేషన్ కింద 8 నుంచి 9 కోట్ల మధ్య డిమాండ్ చేస్తున్నాడన్న వార్త ఒకటి వినిపించింది.

కట్ చేస్తే ఇప్పుడు బ్యాక్ టూ బ్యాక్ రెండు సినిమాలు చేస్తున్న రవితేజ ఆ విషయంలో కాంప్రమైజ్ అయ్యాడా? అన్న ప్రశ్న తలెత్తింది. అయితే దీనిపై ఇప్పుడు ఒక క్లారిటీ వచ్చింది. రెమ్యునరేషన్ తోపాటు షేర్ ప్రాఫిట్ ను కూడా అందుకోబోతున్నాడంట. సుమారు 5 కోట్ల పారితోషకం, సినిమా హిట్ అయితే లాభాల్లో 20 శాతం ఈ మాస్ రాజా ఖాతాలో పడబోతుంది. ఈ లెక్కన ఎంత లేదన్న సుమారు ఇంతకు ముందు అతను డిమాండ్ చేసినంతే అందుకోబోతున్నాడన్న మాట. ఒకవేళ సినిమా బ్లాక్ బస్టర్ అయితే మాత్రం ఆ లాభం మరింత ఎక్కువ ఉండబోతుంది.

ఇక ఇప్పటికే టచ్ చేసి చూడు షూటింగ్ లో బిజీగా ఉన్న రవితేజ జూన్ కల్లా ఆ చిత్రాన్ని రిలీజ్ చేసేందుకు తెగ శ్రమిస్తున్నాడు. మరోవైపు ఈ యేడాది లోనే అనిల్ రావిపూడి రాజా ది గ్రేట్ కూడా విడుదల అయ్యే అవకాశం ఉంది. ఇందులో ఓ అంధుడి రోల్ చేయబోతున్న విషయం తెలిసిందే.