మహేష్-కొరటాల హీరోయిన్ ఎవరంటే...

Posted: 02/06/2017 04:16 PM IST

ప్రస్తుతం మురుగదాస్ మూవీ చేస్తోన్న మహేశ్ బాబు, ఆ తరువాత కొరటాలతో కలిసి సెట్స్ పైకి వెళ్లనున్న విషయం కూడా గత కొంత కాలంగా ఓ సెన్సేషన్ గా మారిపోయింది. కారణం ఇంతకు ముందు వీరి కాంబినేషన్ లో వచ్చిన శ్రీమంతుడు బాక్సాఫీస్ వద్ద కొత్త రికార్డులు క్రియేట్ చేయటమే. మళ్లీ వీరిద్దరు కలిస్తే ఏం మ్యాజిక్ చేయబోతున్నారోనని ప్రేక్షకులతోపాటు, అభిమానులు కూడా ఆశగా చూస్తున్నారు. ఈ నేపథ్యంలో ఈ సినిమాకు సంబంధించి ఓ కొత్త అప్ డేట్ బయటికి వచ్చింది.

ఈ సినిమా కోసం కొత్త అమ్మాయిని తీసుకోనున్నట్టు తెలుస్తోంది. మహేశ్ సినిమాను మొదలు పెట్టిన దగ్గర నుంచి, పెద్దగా గ్యాప్ అనేది లేకుండా షూటింగ్ కానిచ్చేయాలని కొరటాల అనుకుంటున్నాడట. కొత్త కథానాయిక అయితే డేట్స్ సమస్య వుండదు కనుక, ఆయన ఈ నిర్ణయం తీసుకున్నాడని అంటున్నారు. మరోవైపు ఇప్పటికే ఉన్న స్టార్ హీరోయిన్లు కూడా ఆ ఛాన్స్ వస్తే వదులుకోకూడదనే ఎదురుచూస్తున్నారు. ఒకవేళ ఫ్రెష్ ఫేస్ నిర్ణయం తీసుకుంటే మాత్రం అనుకున్న సమయానికి సినిమా రిలీజ్ అవ్వటం ఖాయమేనే అనుకోవచ్చు.

మార్చి ఎండ్ లేదా ఏప్రిల్ నుంచి ఈ చిత్ర రెగ్యులర్ షూటింగ్ ప్రారంభం కానుంది. కీర్తి సురేష్ ను హీరోయిన్ గా తీసుకునే అవకాశాలు ఎక్కువగా ఉన్నట్లు తెలుస్తోంది. ఇక తాజా చిత్రానికి సంబంధించిన ఫస్టులుక్ కోసం ఫ్యాన్స్ ఆసక్తిగా ఎదురుచూస్తున్నారు.