ఆ హీరోయిన్ అభిమానికి రకుల్ క్లాస్

Posted: 12/29/2016 03:24 PM IST

అభిమానం అనే ఒక్క పదం వారితో ఎంతటి పని చేయటానికైనా ఉసిగొల్పుతుంది. అందుకు సంబంధించిన ఘటనలు గతంలో చాలానే చూశాం. తన ఫేవరెట్ హీరో, హీరోయిన్ల కోసం ఎగబడిపోయి ప్రాణాలు కోల్పోయిన విషాదాలు గతంలో చాలానే చూశాం. అయితే తమపై వ్యామోహం మరీ అంత వద్దంటూ సున్నితంగానే సెలబ్రిటీలు కూడా వారిని మందలిస్తూ వస్తున్నారు.

తాజాగా హీరోయిన్ సీరత్ కపూర్ కి ఓ అభిమాని నుంచి ఇలాంటి అనుభవమే ఎదురైంది. రన్ రాజా రన్, టైగర్ చిత్రాల్లో నటించిన సీరత్ కు ఓ వీరాభిమాని తయారయ్యాడు. నటిగా ఎంతోమందిని ప్రభావితం చేసే వరం తనకు దక్కిందని, ఇటువంటి చర్యల ద్వారా దాన్ని దుర్వినియోగం చేయొద్దని విజ్ఞప్తి చేసింది. జీవితం ఎంతో విలువైందని, ఎవరికి వారు సంతోషంగా జీవించాలని కోరుకుంది. నటీనటులపై అభిమానంతో మీకు మీరు ఎటువంటి హనీ తలపెట్టకుకోవద్దని అందరి తరపున విజ్ఞప్తి చేసింది. ఎవరి ఆశయాలకు వారు మొదటి ప్రాధాన్యం ఇవ్వాలని, తర్వాతే నటులను అభిమానించాలని సూచించింది. సీరత్ కపూర్ స్పైసీ ఫోటోలు

ఇక దీనిపై రకుల్ కూడా స్పందించింది. ఆ అభిమాని చేసిన పని తనను కూడా డిస్టర్బ్ చేసిందని తెలిపింది. జీవితం విలువైంది. మీ వాల్యూ మీరు గుర్తించండి అంటూ ఆ పోస్ట్ తన ట్విట్టర్ లో షేర్ చేసింది. దయచేసి ఇలాంటి పిచ్చి పనులు చేయొద్దని ట్విటర్‌ ద్వారా అభిమానులను కోరింది.

 

Very disturbing to see this. Plz value yourself. Life is precious n so r u! @IamSeeratKapoor pic.twitter.com/3FlSME85mK

— Rakul Preet (@Rakulpreet) December 29, 2016