18 ఏళ్ల తర్వాత మళ్లీ అమీర్ అదే పని

Posted: 12/13/2016 01:33 PM IST

మిస్టర్ ఫర్ ఫెక్షనిస్ట్, బాలీవుడ్ స్టార్ హీరో అమీర్ ఖాన్ 18 ఏళ్ల తర్వాత మళ్లీ అదే పని చేయబోతున్నాడు. ఏంటనుకుంటున్నారా? తన గొంతు సవరించి ఓ పాట పాడబోతున్నాడండీ. దంగల్ కోసం అమీర్ ఈ ఫీట్ చేశాడంట. చాలా సర్ ప్రైజ్ చివరి నిమిషం దాకా దీనిని సీక్రెట్ గా ఉంచారు లేండి.

18 ఏళ్ల క్రితం గులామ్ సినిమా కోసం ‘‘ఆతి క్యా ఖండాలా’’ అంటూ అమీర్ పాడిన పాట ఏ స్థాయిలో హిట్ అయ్యిందో తెలిసిందే. ఇక ఇప్పుడు దంగల్ కోసం మరోసారి పాట పాడాడంట. ‘దాఖద్’ అంటూ సాగే ఈ సాంగ్ లో 51 ఏళ్ల అమీర్ ర్యాపర్ అవతారంలో కనిపించబోతున్నాడని తెలుస్తోంది. చాలా సీక్రెట్ గా ఈ స్పెషల్ సాంగ్ చిత్రీకరణ పూర్తికాగా, ఇటీవలె నిర్వహించిన లక్స్ గోల్డెన్ రోజ్ అవార్డుల కార్యక్రమంలో అల్రెడీ ప్రదర్శించారంట కూడా.

 

అమ్మాయిల దమ్ము గురించి చెబుతూ సాగే ఈ పాటలో చిత్రంలో తన కూతుళ్లుగా నటించిన ఫాతిమా, సన్యలతో అమీర్ చిందులేయనున్నాడంట. డిసెంబర్ 18న జీటీవీలో ప్రసారం అయ్యే ఈ అవార్డుల పంక్షన్ టెలికాస్ట్ లో ఆ పాటను చూసేయొచ్చు. ఈ కార్యక్రమానికి షారూఖ్, కరణ్ జోహర్ లతోపాటు యువహీరో అర్జున్ కపూర్ వ్యాఖ్యాతలుగా వ్యవహరించారు.