మెగా దీపావళి సెల్ఫీ తీసింది పవనేనా?

Posted: 11/01/2016 04:56 PM IST

Fan tricky photography pawan in diwali selfie

సర్దార్ గబ్బర్ సింగ్ ఆడియోలో మెగా స్టార్ పవర్ స్టార్ లు ఇద్దరూ కలిసి దిగిన ఓ సెల్ఫీకి ట్రెమండస్ రెస్పాన్స్ వచ్చిన విషయం తెలిసిందే. ఆపై ఆ ఇద్దరూ ఎక్కడా కలుసుకునే అవకాశం రాలేదు. చిరు లాగా పవన్ కూడా అన్నయ్య 150 సెట్లో కనిపించాలని అభిమానులు కోరుకుంటున్నారు.

ఇదిలా ఉంటే దీపావళి రోజున ఓ మెగా సెల్ఫీ బాగా సందడి చేసింది. బ్రదర్స్ చిరంజీవి.. నాగబాబు, వారసులు నీహారిక, రామ్ చరణ్, వరుణ్ తేజ్ సాయిధరమ్ తేజ్, అల్లుళ్లు అల్లు అర్జున్, శిరీష్ తో కలిసి ఒక ఫొటో దిగారు. ఈ ఫొటోను మెగాస్టార్ 150వ చిత్రమైన ‘ఖైదీ నంబర్ 150’ ట్విట్టర్ ఖాతా ద్వారా రామ్ చరణ్ తన అభిమానులతో పంచుకున్నాడు. ‘అన్నయ్య కుటుంబం ‘మెగా కింగ్ డమ్’ మెగా వారసులు.. మెగా ఫ్యామిలీ’ అంటూ ఆ ట్వీట్ లో పేర్కొన్నాడు. అయితే, ఈ ఫొటోలో పవర్ స్టార్ పవన్ కల్యాణ్ లేడుగా మరి అభిమానులు ఊరుకుంటారా చెప్పండి?

pawan also in diwali selfie

తాజాగా, ఈ ఫొటోను పవన్ అభిమాని ఒకరు ఎడిట్ చేశాడు. ఆ ఫొటోలో పవన్ కల్యాణ్ కూడా ఉంటాడు. అయితే ఈ మధ్య కాస్త నెగటివ్ కామెంట్లు చేస్తున్న బన్నీని, అతని సోదరుడిని ఫోటోలోంచి లేపేసి మరీ పవన్ ను ఎడిట్ చేశాడు ఆ వ్యక్తి. ఆ ఫొటోను ‘పవనిజమ్’ఫేష్ బుక్, ట్విట్లర్ పేజీల్లో షేర్ చేయగా, అది ఇప్పుడు ఓ రేంజ్ లో వైరల్ అవుతోంది. అలా పవన్ పై అభిమానం చూపటమే కాదు, బన్నీపై రివెంజ్ కూడా తీర్చుకున్నారు ఫ్యాన్స్.