వర్మ వంగవీటి రాధ ఫస్ట్ లుక్

Posted: 02/03/2016 05:30 PM IST

‘కిల్లింగ్ వీరప్పన్’ తర్వాత రాంగోపాల్ వర్మ దర్శకత్వంలో ‘వంగవీటి’ పేరుతో ఓ సినిమా రూపొందనున్న విషయం తెలిసిందే. వంగవీటి రంగా హత్య మరియు రాజకీయ, వ్యక్తిగత జీవితం ఆధారంగా రూపొందనున్నట్లుగా ఇప్పటికే వర్మ ప్రకటించేసాడు. అయితే ఈ సినిమాలోని అత్యంత కీలకమైన పాత్ర వంగవీటి రాధ. ఈ పాత్రలో నటించబోయే వ్యక్తికి సంబంధించిన ఫస్ట్ లుక్ ఫోటోలను వర్మ తన సోషల్ మీడియా ద్వారా విడుదల చేసారు.

అంతే కాకుండా వర్మ ఈ ఫోటోలను పోస్ట్ చేస్తూ క్రింది విధంగా కామెంట్లు కూడా చేసారు వర్మ. ‘వంగవీటి రాధ చాలా తక్కువ సార్లు తన అంతరంగికుల మధ్య సిగరెట్ కాల్చే వాడు’. ‘వంగవీటి రాధకి కాఫీ అంటే చాలా ఇష్టమని వంగవీటి రంగగారు నాతో చెప్పారు’. ‘కమ్మవాళ్ల మనస్తత్వాన్ని అర్థం చేసుకునే తెలివున్న వాళ్లే అర్హత ఉన్న నిజమైన కాపులని చెప్పారు’ అంటూ ట్వీట్ చేసాడు. ఆ ఫోటోలు ప్రస్తుతం సోషల్ మీడియాలో తెగ హల్చల్ చేస్తున్నాయి. మరి ఈ సినిమా ఎలా వుండబోతుందోననే ఆసక్తి మొదలయ్యింది.

ఇటీవలే వర్మ రూపొందించిన ‘కిల్లింగ్ వీరప్పన్’ సినిమా కోసం అచ్చం వీరప్పన్ లాగే వుండే సందీప్ భరద్వాజను సెలెక్ట్ చేసి, ఆ పాత్రలో నిజమైన వీరప్పన్ చేసాడా అనిపించే విధంగా తెరకెక్కించాడు వర్మ. మరి ‘వంగవీటి’ సినిమా ఎలా వుండబోతుందో త్వరలోనే తెలియనుంది.

 

Vangaveeti Radha chaala thakkuva saarlu thana aantarangikula madhya cigaretlu kalchevaallu pic.twitter.com/Dc350bfeij

— Ram Gopal Varma (@RGVzoomin) February 2, 2016

Vangaveeti Radhagaariki coffee ante chaala ishtamani Vangaveeti Ranga gaaru naatho chepoaru pic.twitter.com/EZD6Uqv28D

— Ram Gopal Varma (@RGVzoomin) February 2, 2016

Kammavaalla manasthatanni ardham chesukune thelivunnavalle arhatha vunna nijamaina kaapulani chepparu pic.twitter.com/FZ8apGoXY7

— Ram Gopal Varma (@RGVzoomin) February 2, 2016