షారుక్, కాజోల్ ల కెమిస్ట్రీ అదుర్స్

Posted: 11/19/2015 10:56 AM IST

‘చెన్నై ఎక్స్ ప్రెస్’ వంటి భారీ బ్లాక్ బస్టర్ హిట్ చిత్రం తర్వాత దర్శకుడు రోహిత్ శెట్టి దర్శకత్వంలో తెరకెక్కుతున్న తాజా చిత్రం ‘దిల్ వాలే’. బాలీవుడ్ బాద్ షా షారుక్ ఖాన్, కాజోల్ జంటగా నటిస్తున్న ఈ చిత్రంలో యువ హీరోహీరోయిన్లు వరుణ్ ధావన్, కృతిసనన్ జంటగా నటిస్తున్నారు.

ఇటీవలే విడుదలైన ఈ చిత్ర ట్రైలర్ కు భారీ రెస్పాన్స్ వస్తోంది. యూట్యూబ్ లో రికార్డులు క్రియేట్ చేస్తోంది. తాజాగా ఈ సినిమాలోని ఓ పాట వీడియోను విడుదల చేసారు. ఇందులో షారుక్, కాజోల్ ల రొమాన్స్ అదిరిపోయింది. వీరిద్దరి కెమిస్ట్రీ ఈ పాటకు ప్రాణం పోసిందని చెప్పుకోవచ్చు.

రెడ్ చిల్లీస్ ఎంటర్ టైన్మెంట్ సమర్పణలో ఎ రోహిత్ శెట్టి ప్రొడక్షన్ బ్యానర్లో గౌరీ ఖాన్ నిర్మిస్తున్నారు. భారీ అంచనాలతో రూపొందుతున్న ఈ చిత్రాన్ని డిసెంబర్ 18న ప్రపంచ వ్యాప్తంగా గ్రాండ్ గా విడుదల చేయనున్నారు.