బాలీవుడ్ భామ కాజోల్ ఏడ్చి వెళ్లిపోయింది

Posted: 08/18/2015 11:10 AM IST

బాలీవుడ్ స్టార్ హీరోయిన్ కాజోల్ మళ్లీ ‘దిల్ వాలే’ చిత్రంతో సినిమాల్లోకి రీఎంట్రీ ఇస్తున్న విషయం తెలిసిందే. అయితే ప్రస్తుతం కాజోల్ బాలీవుడ్ లో హాట్ టాపిక్ గా మారింది. ఇటీవలే కాజోల్ ఓ కార్యక్రమంలో పాల్గొంది. అయితే అనుకోకుండా ఈ అమ్మడికి ఫోన్ కాల్ రావడంతో ఏడుస్తూ హడావిడిగా అక్కడి నుంచి వెళ్లిపోయింది.

అసలు ఏం జరిగిందో తెలియక అందరూ ఒక్కసారిగా షాక్ కు గురయ్యారు. కాజల్ ఆ కార్యక్రమంలో పాల్గొన్న తర్వాత ఓ ఫోన్ కాల్ వచ్చింది. వెంటనే అక్కడి నుంచి ఏడుస్తూ, కళ్లు తుడుచుకుంటూ బయటకు వచ్చేసింది. అంతే కాకుండా తన కారులో డ్రైవర్ వున్నప్పటికి తానే డ్రైవ్ చేసుకుంటూ స్పీడ్ గా వెళ్లిపోయింది.

 

Video Courtesy : iansindia

 

అసలు ఏం జరిగిందో తెలియక అక్కడివారంతా ఆందోళనకు గురయ్యారు. కానీ అసలు విషయం ఓ మూడు రోజుల తర్వాత బయటకొచ్చేసింది. కాజల్-అజయ్ దేవగణ్ దంపతుల కుమారుడు యుగ్ తీవ్ర జ్వరంతో బాధపడుతున్నాడట. ఈ విషయంపై కాజోల్ కు ఫోన్ కాల్ రావడంతో తట్టుకోలేక వెంటనే ఆ కార్యక్రమం నుంచి వెళ్లిపోయింది.

అయితే ఈ విషయంపై అజయ్ దేవగణ్ తన ట్విట్టర్ ద్వారా తెలియజేస్తూ... యుగ్ ఇపుడు బాగానే వున్నాడు. మళ్లీ స్కూల్ కు వెళ్తున్నాడు. తన కొడుకు ఆరోగ్యం గురించి, కాజోల్ ఆందోళన గురించి స్పందించిన వారందరికీ కృతజ్ఞతలు అంటూ తెలియజేసాడు.