నాగచైతన్య ఫస్ట్ లుక్ రిలీజ్ డేట్

Posted: 08/18/2015 01:25 PM IST

Naga chaitanya latest film first look release date

అక్కినేని నాగచైతన్యకు తొలి బ్లాక్ బస్టర్ హిట్ ను అందించిన చిత్రం ‘ఏమాయ చేసావే’. ప్రముఖ దర్శకుడు గౌతమ్ వాసుదేవ్ మీనన్ దర్శకత్వంలో తెరకెక్కిన ఈ చిత్రం ద్వారా నాగచైతన్యకు భారీ క్రేజ్ వచ్చింది. అయితే ఈ చిత్రం తర్వాత మళ్లీ వీరిద్దరి కాంబినేషన్లో తాజాగా ఓ చిత్రం తెరకెక్కుతోంది.

గౌతమ్ మీనన్ దర్శకత్వంలో నాగచైతన్య హీరోగా ఓ చిత్రం తెరకెక్కుతుంది. తెలుగులో నాగచైతన్య హీరోగా నటిస్తుండగా, తమిళంలో శింబు హీరోగా నటిస్తున్నాడు. కానీ వీరిద్దరి సరసన మలయాళీ భామ మంజిమ మోహన్ హీరోయిన్ గా నటిస్తుంది. ప్రస్తుతం ఈ చిత్ర షూటింగ్ శరవేగంగా జరుగుతుంది.

ఈ చిత్రాన్ని తెలుగులో ప్రముఖ రచయిత కోన వెంకట్ నిర్మిస్తున్నారు. ఈ చిత్ర ఫస్ట్ లుక్ పోస్టర్ మరియు టైటిల్ లోగో, టీజర్ ను అక్కినేని నాగార్జున పుట్టినరోజు సంధర్భంగా ఆగష్టు 29న విడుదల చేయనున్నారు. త్వరలోనే అన్ని వివరాలు అధికారికంగా ప్రకటించనున్నారు.