శ్రీకృష్ణుడిగా ఎన్టీఆర్ పర్ఫెక్ట్ అంటున్న జక్కన్న

Posted: 08/10/2015 12:01 PM IST

Rajamouli talks about sri krishna role in mahabharata film

టాలీవుడ్ టాప్ 1 డైరెకర్ట్ ఎస్.ఎస్.రాజమౌళి ‘బాహుబలి’ చిత్రంతో ప్రపంచ వ్యాప్తంగా భారీ క్రేజ్ ను సొంతం చేసుకున్న విషయం తెలిసిందే. ‘బాహుబలి - ది బిగినింగ్’ చిత్రం ఇటీవలే విడుదలై బ్లాక్ బస్టర్ హిట్టవ్వడమే కాకుండా భారీ కలెక్షన్ల మోత మోగిస్తుంది. దీంతో ‘బాహుబలి- ది కన్ క్లూజన్’ సినిమాపై భారీ అంచనాలే నెలకొన్నాయి.

ఈ సినిమా విషయంలో రాజమౌళిపై మరింత బాధ్యత పెరిగింది. ప్రస్తుతం ఈ చిత్ర సీక్వెల్ స్ర్కిప్ట్ పనుల్లో రాజమౌళి బిజీ అయ్యాడు. ‘బాహుబలి’ చిత్రం మొత్తం పూర్తయ్యాక... రాజమౌళి తర్వాత చిత్రం ఎలాంటి తీయనున్నాడోనని అభిమానుల్లో ఆసక్తి పెరిగిపోయింది. అయితే త్వరలోనే మహేష్ తో ఓ సినిమా చేస్తానని రాజమౌళి ప్రకటించడంతో... ‘బాహుబలి’ తర్వాత రాజమౌళి దర్శకత్వంలో మహేష్ తో ఓ సినిమా వుండనుందని అందరూ అనుకున్నారు.

కానీ మళ్లీ అందరిని అంచనాలను తారుమారు చేసే విధంగా రాజమౌళి ఓ ప్రశ్నకు సమాధానమిచ్చాడు. రాజమౌళి తన కెరీర్లో ఎప్పటికైనా మహాభారతం సినిమా చేయాలనీ ఎదురుచూస్తున్నట్లుగా గతంలో ప్రకటించిన విషయం తెలిసిందే. అయితే తాజాగా రాజమౌళి ఓ ఇంటర్వ్యూలో పాల్గొన్నప్పుడు అక్కడివారు... ‘మహాభారతం సినిమా తీస్తే అందులో ఎవరిని శ్రీకృష్ణుడి పాత్రకోసం ఎంచుకుంటారు? అని అడిగారు.

దీనికి సమాధానంగా రాజమౌళి వెంటనే స్పందిస్తూ... ఇప్పుడున్న యంగ్ హీరోలలో ఎన్టీఆర్ శ్రీకృష్ణుడి పాత్రకు పర్ఫెక్ట్ గా సరిపోతాడని తెలిపాడు. రాజమౌళి ఇచ్చిన ఈ సమాధానంపై నందమూరి అభిమానులు కాస్త సంతోషంగానే వున్నప్పటికీ... మహేష్ అభిమానులు మాత్రం కాస్త నిరాశ చెందుతున్నారు. ఎందుకంటే.. ‘బాహుబలి’ తర్వాత రాజమౌళి ‘మహభారతం’ సినిమా చేస్తాడో లేక మహేష్ తో సినిమా చేస్తాడో అనే విషయం తెలియక అభిమానులు కంగారుపడుతున్నారు. మరి ఈ విషయాలపై సరైన క్లారిటీ రావాలంటే ‘బాహుబలి’ సీక్వెల్ విడుదలయ్యే వరకు వేచిచూడాల్సిందే.

rajamouli-ntr