పిచ్చెక్కిస్తున్న ఛార్మి జ్యోతిలక్ష్మీ ట్రైలర్

Posted: 05/18/2015 10:18 AM IST

పూరీ జగన్నాథ్ దర్శకత్వంలో ఛార్మి ప్రధాన పాత్రలో తెరకెక్కుతున్న తాజా చిత్రం ‘జ్యోతిలక్ష్మీ’. ఛార్మి సమర్పణలో సి.కె.ఎంటర్ టైన్మెంట్ ప్రై.లి., శ్రీశుభశ్వేత ఫిలిమ్స్ బ్యానర్ పై శ్వేతలానా, వరుణ్, తేజ్, సి.వి.రావు సంయుక్తంగా నిర్మిస్తున్నారు. ఈ చిత్ర ఫస్ట్ లుక్ ట్రైలర్ ను ఇటీవలే ఛార్మి పుట్టినరోజు సంధర్భంగా విడుదల చేసారు.

ఎలాంటి అంచనాలు లేకుండా తెరకెక్కుతున్న ఈ చిత్రంపై భారీ అంచనాలు ఏర్పడేలా చేసింది ఈ ట్రైలర్. ఇందులో ఛార్మి చాలా చక్కగా నటించింది. హాట్ హాట్ గానే కాకుండా పవర్ ఫుల్ లేడిగా కూడా సూపర్ అని అనిపిస్తోంది. ఈ ట్రైలర్ విడుదల సంధర్భంగా చిత్ర యూనిట్ మాట్లాడుతూ...

దర్శకుడు పూరీ జగన్నాథ్ మాట్లాడుతూ.... ‘మల్లాది వెంకటకృష్ణమూర్తి రచించిన సుప్రసిద్ధ నవల మిసెస్ పరాంకుశం ఆధారంగా ఈ చిత్రాన్ని తెరకెక్కించాను. ఈ ట్రెండ్ కు తగినట్లుగా మార్పులు చేసి తీసాం. ఛార్మి మనసు పెట్టి ఈ సినిమా చేసింది. కళ్యాణ్ గారితో పనిచేయడం చాలా హ్యాపీగా వుంది. త్వరలోనే ఆడియో, సినిమా విడుదల వివరాలు తెలియజేస్తాం అని అన్నారు.

ఛార్మి మాట్లాడుతూ... పూరీగారు, ఆయన టీం ఈ సినిమా కోసం చాలా హార్డ్ వర్క్ చేసారు. సినిమాపై చాలా కాన్ఫిడెంట్ గా వున్నాం. ఈ టీజర్ లో బుల్లెట్ రైడ్ చేసే సీన్ గురించి చాలా మంది అడుగుతున్నారు. నిజంగా ఆ సీన్ లో నేనే యాక్ట్ చేసారు. రియల్ గానే నేనే ఆ బుల్లెట్ ను రైడ్ చేసాను అని చెప్పుకొచ్చింది.