మరో నాలుగు రోజుల్లో మోసగాళ్లకు మోసగాడు విడుదల

Posted: 05/18/2015 10:20 AM IST

Sudheer babu mosagallaku mosagaadu release date

సుధీర్ బాబు, నందిని జంటగా నటిస్తున్న తాజా చిత్రం ‘మోసగాళ్లకు మోసగాడు’. ఈ చిత్రానికి బోస్ నెల్లూరి దర్శకత్వం వహిస్తున్నారు. లక్ష్మీనరసింహా ఎంటర్‌టైన్‌మెంట్ పతాకంపై చక్రి చిగురుపాటి నిర్మిస్తున్నాడు. నిఖిల్, స్వాతి జంటగా నటించిన సూపర్ హిట్ ‘స్వామిరారా’ చిత్రానికి సీక్వెల్ ఈ ‘మోసగాళ్లకు మోసగాడు’.

పక్కా కమర్షియల్ ఎంటర్ టైనర్ గా రూపొందుతున్న ఈ చిత్రాన్ని మొదటగా ఈనెల 21న విడుదల చేయాలని అనుకున్నారు. కానీ కొన్ని అనివార్య కారణాల వల్ల ఒకరోజు ఆలస్యంగా ఈ నెల 22న విడుదల చేయనున్నారు. ఇప్పటికే విడుదలైన ట్రైలర్లకు మంచి స్పందన వస్తోంది.

ఈ సందర్భంగా దర్శకుడు చిత్ర విశేషాలు తెలియజేస్తూ ‘తన తెలివితేటలతో ఎదుటి వారిని మోసం చేస్తూ సరదాగా జీవితాన్ని గడిపే యువకుడు క్రిష్. ఎలాంటి గోల్ లేని అతడి జీవితంలోకి అనుకోకుండా ఓ పెద్ద లక్ష్యం వచ్చి చేరుతుంది. అదేమిటి? 12 శతాబ్దానికి చెందిన సీతారాముల విగ్రహాలతో అతనికి ఉన్న సంబంధమేమిటి? అన్నది సినిమాలో ఆసక్తికరంగా ఉంటుంది. పూర్తి కమర్షియల్ యాక్షన్ ఎంటర్‌టైనర్‌గా తెరకెక్కిస్తున్న ఈ చిత్రం ఇంటిల్లిపాదిని అలరిస్తుందనే నమ్మకముంది’ అని తెలిపారు.