తప్పుకు శిక్ష వేసుకున్న సంపూ. ఇక మళ్లీ షురూ!

Posted: 04/15/2015 01:11 PM IST

Sampoornesh babu apologies for his kobbari matta mistake

బర్నింగ్ స్టార్ సంపూర్ణేష్ బాబు హీరోగా నటిస్తున్న తాజా చిత్రం ‘కొబ్బరిమట్ట’. ఈ సినిమాలో సంపూ ఓ పాట పాడిన విషయం తెలిసిందే. ఆ పాటను విడుదల చేయడానికి నిన్న సంపూ ఓ ప్రకటన విడుదల చేసాడు. ఆగష్టు 15, 1947లో స్వాతంత్ర్యం వచ్చిందని చెప్పుకుండా... ఏప్రిల్ 15, 1947లో స్వాతంత్ర్యం వచ్చిందని ప్రకటించేసాడు.

అయితే ఈ విషయంపై సంపూ తాజాగా క్షమాపణలు చెప్పుకొచ్చాడు. జరిగిన తప్పుకు క్షమాపణలు కోరుతూ... ‘కొబ్బరిమట్ట’ సినిమాలో తాను పాడిన పాటను ఈరోజు(ఏప్రిల్15) సాయంత్రం 6 గంటలకు విడుదల చేయబోతున్నట్లుగా సంపూ తెలిపాడు. అలాగే ఈ వీడియో ద్వారా ఏడాది పాటు వచ్చే ప్రతి రూపాయిని ‘ARMY CENTRAL WELFARE FUND’కు అందజేయబోతున్నట్లుగా తెలిపాడు.

అసలు సంపూ పాడిన పాటకు ఏ రేంజులో వసూళ్లు వస్తాయని భావిస్తున్నాడో ఏమో తెలియదు గానీ... మరోసారి తన పాటతో భారీ క్రేజ్ సంపాదించుకోవడానికి సంపూ ప్రయత్నాలు చేస్తున్నట్లుగా తెలుస్తోంది. చూద్దాం.. సంపూ పాట ఎలా వుండబోతుందో!

sampoornesh-babu-kobbari-ma