విడుదలైన ‘కాంచన-2’ ఫస్ట్ లుక్..

Posted: 03/14/2015 11:39 AM IST

Raghava lawrence kanchana 2 movie first look released tapsee pannu nitya menon

ప్రముఖ డ్యాన్సర్ - దర్శకుడు రాఘవ లారెన్స్ దర్శకత్వంలో తాజాగా ‘కాంచన-2’ చిత్రం తెరకెక్కుతోంది. గతంలో వచ్చిన ‘కాంచన’కు సీక్వెల్ అయిన ఈ మూవీలో హీరోయిన్ గా పంజాబీ భామ తాప్సీ నటిస్తోంది. గతేడాది తొలినాళ్లలో ప్రారంభమైన ఈ మూవీ షూటింగ్ దాదాపు చివరి స్టేజీకి వచ్చేసింది. ఇప్పటికే ఎక్కువ ఆలస్యం కావడంతో ఈ మూవీ షూటింగ్ త్వరగా కంప్లీట్ చేసి, ప్రేక్షకుల ముందుకు తీసుకొచ్చేందుకు దర్శకనిర్మాతలు సన్నాహాలు చేస్తున్నారు. ఈ నేపథ్యంలోనే తాజాగా ఈ మూవీ ఫస్ట్ లుక్ ని యూనిట్ విడుదల చేసింది.

మొత్తం పసుపుపచ్చరంగులో వున్న ఈ ఫోటోలో.. ఒకవైపు చేతినిండా గాయాలు, మరోవైపు భక్తుడి రూపంలో రాఘవ లారెన్స్ కనువిందు చూశాడు. ఈ ఫోటో విడుదలైన కొద్దిసేపటికే నెటిజన్ల నుంచి మాంచి స్పందన వస్తోంది. గత చిత్రం కంటే ఈ మూవీ మరింత థ్రిల్లింగ్ గా వుంటుందని కోలీవుడ్‌లో ప్రత్యేకంగా మాట్లాడుకుంటున్నారు. ‘కాంచన’ తర్వాత లారెన్స్ తీసిన సినిమాలు డిజాస్టర్ కావడంతో అతని ఇమేజ్ కాస్త దెబ్బతింది. దీంతో ఈ మల్టీ టాలెంటడ్ హీరో ఈ మూవీపై ఎక్కువ శ్రద్ధ తీసుకుంటున్నాడు. సినిమాలోని ప్రతీ సీన్ పర్ ఫెక్ట్ గా వుండాలనే ఉద్దేశంతోనే షూటింగ్ ఆలస్యమవుతోందని తెలుస్తోంది. హారర్ కామెడీగా రానున్న ఈ ప్రాజెక్ట్ కోసం ఆయన హార్డ్‌ వర్క్ చేసినట్టు యూనిట్ సభ్యులు చెబుతున్నారు.

kanchana-2

ఇదిలావుండగా.. ఈ మూవీలో లారెన్స్ తో జతకట్టిన తాప్సీ.. ఈ ప్రాజెక్ట్ కోసం తానెంతో కష్టపడ్డానని ఒకానొక సందర్భంలో చెప్పుకొచ్చింది కూడా! ఇంకో విషయం ఏమిటంటే.. ఇందులో నిత్యామీనన్ ఓ స్పెషల్‌ పాత్రలో కనిపించనుంది. ప్రస్తుతం ఈ మూవీ ఫస్ట్ లుక్ ని విడుదల చేసిన లారెన్స్.. ఈనెలాఖరులో ఆడియో రిలీజ్ చేయాలని ప్లాన్ చేస్తున్నాడు. అలాగే.. ఏప్రిల్ నెలలో విడుదల చేసేందుకు దర్శకనిర్మాతలు సన్నాహాలు చేస్తున్నారు.