మరువలేని అనుభూతిని పొందిన హన్సిక!

Posted: 02/24/2015 12:49 PM IST

గతకొంతకాలం నుంచి వరుసగా సినిమాలు చేసుకుంటూ, ఎడతెరిపి లేకుండా షూటింగుల్లో పాల్గొన్న బొద్దుగుమ్మ హన్సిక.. ఇప్పుడు కాస్త విరామం తీసుకుంది. షూటింగుల్లోనే ఇన్నాళ్లూ బిజీగా గడిపిన ఈ అమ్మడు.. కాస్త ఎంజాయ్ చేద్దామన్న ఉద్దేశంతో తనకెంతో ఇష్టమైన యూరప్ ట్రిప్ కి చెక్కేసింది. అక్కడున్న ప్రకృతి అందాల్లో విహరిస్తూ హ్యాపీగా కాలం గడిపింది. అక్కడున్న సముద్రజలాల ప్రాంతాల్లో డాల్ఫిన్స్, పెంగ్విన్ లతో ముద్దాడుతూ బాగానే ఎంజాయ్ చేసింది. ఈ నేపథ్యంలోనే ఈ ట్రిప్ లో తాను పొందిన అనుభూతిని మరువలేనిదంటూ హన్సిక తెలుపుతోంది. రెండోసారి యూరప్ ట్రిప్ కి వెళ్లిన ఈ అమ్మడు.. మొదటిసారికంటే ఈ ట్రిప్ నే ఎంతో ఎంజాయ్ చేశానంటోంది.

‘‘నా ఈ ట్రిప్ లో అద్భుతమైన అనుభవం ఏమిటంటే.. డాల్ఫిన్ లను ముద్దాడడం. ఈ అనుభూతిని జీవితంలో మరిచిపోలేను’’ అంటూ ట్వీట్ చేస్తూ.. ఆ ఫోటోలను కూడా పోస్ట్ చేసింది హన్సిక! మొత్తానికి తాను ఈ ట్రిప్ లో బాగానే ఎంజాయ్ చేశానంటూ అందరితోనూ తన ఆనందాన్ని పంచుకుంటోందట! ఇక అక్కడి నుంచి రాగానే మళ్లీ తన మూవీ షూటింగుల్లో నిమగ్నమైంది! ఇదిలావుండగా.. ఈ షూటింగులు ముగిసిన అనంతరం ఈమె తాను దత్తత తీసుకున్న చిన్నారులను తీసుకుని ఇండియాలోని లోనవాలా ట్రిప్ కి వెళ్తుందని హన్సిక క్లోజ్ ఫ్రెండ్ ఒకరు తెలుపుతున్నారు.