మూవీ మొఘల్ గారి తీరని 3 కోరికలు

Posted: 02/19/2015 02:41 PM IST

Producer daggubati ramanaidu unfulfilled dreams

ప్రముఖ నిర్మాత, నటుడు, దాదా సాహెబ్ ఫాల్కే అవార్డు గ్రహీత, మూవీ మొఘల్ డాక్టర్ దగ్గుబాటి రామానాయుడు గారు నిన్న తన తుదిశ్వాసను విడిచారు. రామానాయుడు గతకొంత కాలంగా కాన్సర్ వ్యాధితో బాధపడుతున్నారు. అయితే అనుకోకుండా ఇలా హఠాత్తుగా తిరిగిరానిలోకాలకు వెళతారని ఎవరూ ఊహించలేరు. రామానాయుడు ఇప్పటి వరకు ఎన్నో సూపర్ హిట్ చిత్రాలను నిర్మించారు.

ఆయన నిర్మించిన సినిమాల ద్వారా ఎంతో మంది నూతన నటీనటులు, దర్శకులు, సాంకేతిక నిపుణులు టాలీవుడ్ లోకి ఎంట్రీ ఇచ్చారు. కానీ రామానాయుడు గారికి మూడు కోరికలున్నాయి. ఆ మూడు కోరికలు తీరకుండానే ఆయన మరణించారు. అవేమిటంటే...

1. ఎన్నో హిట్ చిత్రాలను నిర్మించి, నిర్మాతగా మంచి పేరును సంపాదించుకున్న రామానాయుడు గారు... ఓ సినిమాకు దర్శకత్వం వహించాలని కలగన్నారు. మంచి స్ర్కిప్టు దొరికితే దర్శకత్వం వహించాలని అనుకున్నారు.

2. ఇటీవలే అక్కినేని కుటుంబం అంతా కలిసి నటించిన ‘మనం’ సినిమా మంచి విజయం సాధించిన విషయం తెలిసిందే. అదే విధంగా తన దగ్గుబాటి కుటుంబ సభ్యుల్లోని నటులు సురేష్ బాబు, వెంకటేష్, రానా, నాగచైతన్యలతో కలిసి ఓ మల్టీస్టారర్ సినిమా చేద్దామని అనుకున్నారు.

3. ఇప్పటి వరకు తన కొడుకు వెంకటేష్ తో పలు సినిమాలను నిర్మించిన రామానాయుడు... తన ఇద్దరు మనవళ్లు రానా, నాగచైతన్యలతో కలిసి ఓ మల్టీస్టారర్ చిత్రం తీయాలని అనుకున్నారు. కానీ ఈ మూడు కోరికలు తీరకుండానే ఆయన తిరిగిరాని లోకాలకు వెళ్లిపోయారు.

మూవీ మోఘల్ డా. దగ్గుబాటి రామానాయుడు గారు ఎక్కడ వున్నా కూడా ఆయన ఆత్మకు శాంతి చేకూరాలని మనసారా కోరుకుంటుంది తెలుగువిశేష్.