మాజీ ప్రియుడు రణబీర్ ను పెళ్లి చేసుకునేదట..

Posted: 01/15/2015 01:28 PM IST

బాలీవుడ్ అగ్రతార దీపికా పదుకొనె, యంగ్ హీరో రణబీర్ కపూర్ గతంలో చెట్టాపట్టాలేసుకుని తిరిగిన విషయం తెలిసిందే! ఏమాత్రం మొహమాటం లేకుండా బహిరంగంగా ఒకరిమీద మరొకరు వాలిపోతూ, కొన్నాళ్లపాటు లైఫ్’ని ఎంజాయ్ చేసిన ఈ జంట.. తరువాత విడిపోయింది. అయినప్పటికీ ఇద్దరు స్నేహితులుగానే వుంటూ.. కలిసి సినిమాల్లో నటించేందుకు గ్రీన్ సిగ్నల్ ఇచ్చేశారు. ఇంతవరకు బాగానే వుంది కానీ.. తాజా పరిణామాలను చూస్తుంటే వీళ్లిద్దరి మధ్య మళ్లీ ప్రేమ చిగురించిందేమోనన్న అనుమానాలు వ్యక్తం అవుతున్నాయి. గతంలో రణబీర్ గురించి ఒక్క మాట కూడా మాట్లాడని దీపికా.. ఇప్పుడు అతడ్ని పెళ్లి చేసుకునేదాన్ని అంటూ సెన్సేషన్ క్రియేట్ చేసింది.

కొత్త సంవత్సరం ప్రారంభమైన కొద్దిరోజుల వరకు కెమెరాకు కనిపించని సన్నజాజి నడుముభామ దీపికా.. తాజాగా ఓ ప్రైవేటు కార్యక్రమంలో పాల్గొని కొన్ని ఆసక్తికరమైన విషయాలను వెల్లడించింది. నూతన సంవత్సరంలో భాగంగా తన తీర్మానమేంటో వెల్లడించాల్సిందిగా కోరితే.. అందుకు ఆమె దిమ్మతిరిగిపోయేలా సమాధానం ఇచ్చింది. ఆ కార్యక్రమంలో భాగంగా పాల్గొన్న దీపికను కొందరు.. ‘మీరు కత్రినాకైఫ్ అయితే కొత్త సంవత్సరం సందర్భంగా తీసుకునే తీర్మానం ఏంటి?’ అని అడిగారు. దీని ఈమె సమాధానమిస్తూ.. ‘నేనే కత్రినా అయితే రణబీర్ ను పెళ్లి చేసుకునేదాన్ని’ అంటూ తెలిపింది. దీంతో అక్కడున్నవాళ్లు ఒక్కసారిగా నవ్వి ఊరుకున్నారు.

ఆ కార్యక్రమం సందర్భంగా మొదట్లో దీన్ని జోక్’గానే పరగణించారుగానీ.. నిజానికి ఆమె ఇటువంటి సమాధానం ఎందుకు ఇచ్చిందనేది అంతుచిక్కడం లేదు. గతంలో ఈవిధమైన ప్రశ్ననే అడిగినప్పుడు ‘కత్రినాను రణబీర్’ని పెళ్లి చేసుకోవద్దని సలహా ఇస్తాను’ అని సమాధానం ఇచ్చిన ఈ అమ్మడు.. ఈసారి ‘తానే కత్రినా అయితే పెళ్లి చేసుకుంటా’ అని చెప్పడంపై అనేక అనుమానాలు వ్యక్తమవుతున్నాయి. కత్రినాకు దీపికా సలహా ఇస్తోందా..? లేక ఆమె ఇంకా రణబీర్’నే ప్రేమిస్తోందా..? అంటూ సందేహాలు వ్యక్తమవుతున్నాయి. ఏదేమైనా.. ఇక్కడ దీపికా తెలివిగా సమాధానమిచ్చి తాను మాత్రం సింపుల్’గానే ఎస్కేప్ అయ్యిందని చెప్పుకోవచ్చు. మరి.. దీనిపై కత్రినా స్పందన ఎలా వుంటుందో?

AS