జనవరి 23న నా నిశ్చితార్థానికి ఇది ఆహ్వానం కాదు...!

Posted: 01/07/2015 04:40 PM IST

తన పెళ్లి విషయంలో ఇన్నాళ్లూ దోబూచులాడిన త్రిష.. ఎట్టకేలకు ఆ విషయాన్ని బహిరంగంగా చెప్పింది. జనవరి 23వ తేదీన వరుణ్తో తన నిశ్చితార్థం జరగనున్నట్లు ట్విట్టర్లో తెలిపింది. అయితే ఈ నిశ్చితార్థానికి కేవలం తమ రెండు కుటుంబాలు మాత్రమే హాజరవుతాయని తెలిపింది. ఇది ఆహ్వానంగా భావించి తన అభిమానులు, స్నేహితులు ఎవర్వూ రాకూడదని పరోక్షంగా చెప్పింది ఈ ముద్దుగుమ్మ.

తమ పెళ్లి ఎప్పుడు, ఎక్కడ జరుగుతుందన్న విషయాలు ఇంకా నిర్ణయించలేదని, అందుచేత తన పెళ్లిపై ఎలాంటి ఊహాగానాలను రాయవద్దని కొంచె కఠినంగానే చెప్పిన ఈ చైన్న చిన్నది.. తమ పెళ్లి ముహూర్తం ఖరారు కాగానే ఎప్పటిలాగే తానే స్వయంగా ఆ విషయాన్ని వెల్లడిస్తానని చెప్పింది. సినిమాలు వదిలిపెట్టాలన్న ఉద్దేశం ఏదీ తనకు లేదని కూడ కుండబద్దలు కోట్టినట్లు చెప్పింది ఈ ఏడాది తాను నటించిన నాలుగు చిత్రాలు విడుదల కానున్నాయని, అదే సందర్భంలో తాను మరో రెండు చిత్రాలలో నటించనున్నాని కూడా త్రిష ట్విట్టర్ సందేశాలలో త్రిష చెప్పింది.

జి. మనోహర్