మొహమాటానికి పోతే కడుపు వచ్చిందన్నట్లుగా.., పోనీలే కదా అని అడ్జస్ట్ చేసుకుంటే విషయం వాంతుల వరకూ వెళ్తోందట. బాలీవుడ్ హీరోల బాగోతంపై టాప్ హీరోయిన్ కత్రినా ఖైఫ్ చేసిన కామెంట్లు ఇవి. కొన్నాళ్ళుగా ఓర్చుకుంటున్న భావాలను ఒక్కసారిగా మీడియా ముందు బయటపెట్టింది. షూటింగుల సమయంలో తాను పడుతున్న బాధలను.., సెట్ లో ఉంటే కలిగే ఇబ్బందులను వివరించింది. తెరపై అందంగా కన్పించే హీరోలు, తెరవెనక ఎలా ఉంటారో రెండు మాటల్లో చెప్పేసింది. దీంతో అమ్మడితో నటించిన స్టార్ బాబులంతా ఇప్పుడు తల ఎక్కడ పెట్టుకోవాలో తెలియక తంటాలు పడుతున్నారు.
సినిమా హీరోలు అంటే గ్లామర్, స్టైల్ మెయింటనెన్స్, గంటకో డ్రస్, రోజుకో షూ అని ఫ్యాన్స్ ఏదేదో ఊహించుకుంటారు. ఇదంతా బొమ్మకు ఒకవైపే కానీ మరోవైపును కత్రినా వివరించింది. స్నానం చేయని.., కనీసం బ్రష్ కూడా చేయని స్టార్లను తాను దగ్గరుండి చూశానని బాధలు వెళ్ళగక్కింది. ఓ కార్యక్రమంకు హాజరైన ఈ పొడుగు కాళ్ళ సుందరిని.., ‘బాలీవుడ్ లో ఎవరి పక్కన నటిస్తే కంఫర్ట్ గా ఫీల్ అవుతారు’ అని ఓ మీడియా ప్రతినిధి ప్రశ్నించారు. అంతే ఒక్కసారిగా కస్సున లేచింది. ‘కంఫర్ట్ సంగతి దేవుడెరుగు బాబు, కొందరు హీరోలు నరకం చూపించారు’ అని కామెంట్ చేసింది.
ఎందుకిలా.., అసలేమయింది అని ప్రశ్నించగా అసలు విషయం బయట పెట్టింది. ‘షూటింగ్ కు వచ్చేటపుడు కనీసం స్నానం చేసి రావాలనే సెన్స్ లేని స్టార్లు బాలీవుడ్ లో చాలా మంది ఉన్నారు. ఇక రాత్రిళ్ళు తాగి.., పొద్దున్నే పాచి మొహంతో సెట్స్ కు వచ్చే వారు కూడా ఉన్నారు. అలాంటి హీరోలతో నటిస్తుంటే నరకం కన్పించేంది. ఇదంతా ఒక ఎత్తయితే వారితో రొమాంటిక్ సీన్లలో నటించాల్సివచ్చినపుడు చెమట కంపు, నోట్లో నుంచి వచ్చే మందు వాసనతో వాంతి వచ్చినట్లుగా ఉండేది, అయినా సరే ఓర్చుకుని నటించాను’. అని చెప్పింది. అయితే ఎవరా డర్టీ బాయ్స్ అని అడగవద్దు, పేర్లు మాత్రం చెప్పను అని తెలిపింది.
ఇదే సమయంలో సౌత్ హీరోలపై సాఫ్ట్ కార్నర్ చూపించారు. సెట్ లో ఎలా ఉంటారో ఎంత చెప్పినా తక్కువే. నటనను వారు ఎంత ప్రేమిస్తారో.., నీట్ గా ఉండటాన్ని అంతగా కోరుకుంటారు. నీట్ గా సెట్స్ కు వస్తారు. పక్క వారు ఇబ్బంది పడేలా ప్రవర్తించరు. ఈ విషయంలో సౌత్ హీరోలను చూసి బాలీవుడ్ చాలా నేర్చుకోవాలని కత్రినా చెప్పింది. ఈ అమ్మడు తెలుగులో వెంకటేష్ సరసన ‘మల్లీశ్వరి’, బాలయ్యతో జంటగా ‘అల్లరి పిడుగు’లో నటించింది. అంటే వీరిద్దరూ ఉత్తమ స్టార్లు అని పరోక్షంగా చెప్పేసినట్లే. ఇప్పటికైనా ఆ మందుబాబులు.., బద్దకవీరులు ఎవరో కాస్త మేలుకుని అమ్మడు చెప్పిన మాటలతో అయినా బుద్ది తెచ్చుకుని మొహం కడుక్కని, స్నానం చేసి సెట్స్ కు వెళ్తే బాగుటుంది. లేకపోతే మరో ప్రెస్ మీట్ లో పేర్లు చెప్పి పరువు పోయేలా చేసినా ఆశ్చర్యపోనవసరం లేదు.
కార్తిక్
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more