బాలయ్య భామకు మల్టీస్టారర్ సినిమా ఛాన్స్

Posted: 04/21/2014 08:37 PM IST

టాలీవుడ్ సీనియర్ హీరో వెంకటేష్ సరసన నటించడానికి ఏ హీరోయిన్ ముందుకు రావడం లేదంటే... వచ్చిన ఒకరిద్దరు భారీగా రెమ్యునరేషన్ డిమాండ్ చేస్తుండటంతో ఆయన సినిమాలో ఎప్పుడు ఏ హీరోయిన్ వచ్చి చేరుతుందో తెలియడం లేదు. బాలీవుడ్ లో సూపర్ హిట్ అయిన ‘ఓ మై గాడ్ ’ చిత్రాన్ని తెలుగులో మల్టీస్టారర్ మూవీగా తెరకెక్కించేందుకు సన్నాహాలు చేస్తున్న విషయం తెలిసిందే.

ఈ సినిమా కోసం మొదట నయనతారను తీసుకున్నారు. కానీ రేటు విషయంలో ఏ మాత్రం తగ్గక పోవడంతో ఆమెను సినిమా నుండి తప్పించారు. ఆమె స్థానంలో ఇటీవల బాలయ్య నటించిన ‘లెజెండ్ ’ సినిమా లో నటించిన రాధికా ఆప్టేను వెంకీ సరసన తీసుకున్నారు.  బాలయ్య తో నటించిన తరువాత ఈ అమ్మడుకు బాగానే అవకాశాలు వస్తున్నాయి.

హోమ్లీ లుక్ తో ఉండే ఈ అమ్మడు వెంకీకి సరిజోడు ఉంటుందనే తీసుకున్నారు.  ఈ చిత్రాన్ని సురేష్ ప్రొడక్షన్స్ బ్యానర్లో నిర్మాత సురేష్ బాబు నిర్మిస్తున్నారు. ఈ చిత్రానికి డాలీ దర్శకత్వం వహించే అవకాశాలున్నాయి. ప్రస్తుతం "దృశ్యం" షూటింగ్ లో వెంకటేష్ బిజీగా ఉన్నాడు. ఇందులో వెంకీ సరసన మీనా జోడి కట్టింది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు. ఈ చిత్రంలో కృష్ణుడి పాత్రలో పవన్ కళ్యాణ్ నటించనున్నాడు.