బిస్కెట్ రాజాగా రాబోతున్న నరేష్

Posted: 04/15/2014 07:43 PM IST

టాలీవుడ్ లో నేటి తరం కమేడియన్ హీరోగా పేరు తెచ్చుకున్న అల్లరి నరేష్ డిఫరెంట్ క్యారెక్టర్స్ తో, డిఫరెంట్ టైటిల్స్ తో ప్రేక్షకుల్ని అలరిస్తాడు. ప్రస్తుతం ఇతడు వీరభద్రమ్ దర్శకత్వంలో ఓ సినిమా చేయడానికి రెడీ అయ్యాడు. ఈ సినిమాకు టైటిల్ గా ‘బిస్కెట్ రాజా ’ పేరు పరిశీలిస్తున్నట్లు దర్శకుడు చెప్పుకొచ్చాడు. చాలా టైటిళ్ళు పరిశీలించిన తరవాత అల్లరి నరేష్ టైటిల్ కి సరిపోయేదిగా ఉండటంతో దీనినే ఫైనల్ టైటిల్ గా నిర్ణయించే ఆలోచనలో ఉన్నట్లు చెప్పుకొచ్చాడు.

ఈ చిత్రానికి నిర్మాతలుగా భగవాన్, పుల్లారావులు వ్యవహరించనున్నారు. నాగార్జునతో భాయ్ సినిమా ప్లాప్ తరువాత చేస్తున్న చిత్రం కావడంతో ఎంతో కసితో ఉన్నాడు వీరభద్రమ్. స్క్రిప్టు వర్క్ అంతా పూర్తి చేసుకున్న ఈ సినిమా రెగ్యులర్ షూటింగ్ మే నెల నుండి మొదలు పెట్టనున్నట్లు తెలిపారు. కథానాయిక, మిగతా వారి వివరాలను త్వరలోనే వెల్లడిస్తామని చెప్పుకొచ్చారు. నరేష్ ప్రస్తుతం ‘జంప్ జిలానీ ’ సినిమాలో బిజీగా ఉన్నాడు.