మహేష్ సినిమాలో బాలయ్య విలన్

Posted: 04/08/2014 04:26 PM IST

సీనియర్ హీరో జగపతి బాబు హీరోయిజం మానేసి విలనిజంలోకి వెళ్లిన సంగతి తెలిసిందే. ఇటీవల బాలయ్య నటించిన ‘లెజెండ్ ’ సినిమాలో పూర్తి స్థాయి విలన్ పాత్ర పోషించడమే కాకుండా తన గంభీర స్వరంతో ప్రేక్షకుల నుండి ప్రశంసలు అందుకున్నాడు.

ఇప్పుడు మహేష్ బాబు సినిమాలో కూడా పూర్తి స్థాయి విలనిజం పాత్రలో నటింపజేయడానికి దర్శకుడు కొరటాల శివ ఏ పాత్రను ప్లాన్ చేస్తున్నాడట. ‘మిర్చి’ఫేం కొరటాల శివ మహేష్ బాబుతో తెరకెక్కించబోయే సినిమాలో జగపతిబాబును విలన్ పాత్రకు తీసుకోవాలని భావించే ఆయన కోసం ఓ పాత్రను తయారు చేస్తున్నాడని టాలీవుడ్ టాక్.

హీరోగా తనకంటూ ఓ ప్రత్యేకమైన ఇమేజ్ ని సంపాదించుకున్న జగపతి బాబు విలన్ పాత్రల్లో కూడా తనదైన శైలిలో రాణిస్తున్నాడు. ఇక ఈ సినిమా విషయానికి వస్తే... ఈ సినిమాను జులై నుండి సెట్స్ పైకి తీసుకెళ్ళే ప్రయత్నాలు చేస్తున్నాడు. యూటీవీ మోషన్ పిక్చర్స్ భారీ బడ్జెట్ తో ఈ సినిమాను రూపొందించబోతుంది.