డిస్కౌంట్ రేటుకు శాటిలైట్స్ రైట్స్

Posted: 04/08/2014 08:19 PM IST

బాలక్రిష్ణ – బోయపాటి కాంబినేషన్లో వచ్చిన ‘లెజెండ్ ’ సినిమా సూపర్ సక్సెస్ సాధించడమే కాకుండా, కొత్త రికార్డులు స్రుష్టించడానికి రెడీ అవుతుంది. ఇప్పటి వరకు బాలయ్య కెరియర్లోనే రానన్ని వసూళ్ళు సాధిస్తున్న ఈ సినిమా శాటిలైట్ రైట్స్ వ్యవహారం ఫైనల్ అయ్యిందని తెలుస్తుంది.

విడుదలకు ముందు భారీగా 8 కోట్ల వరకు డిమాండ్ చేసిన నిర్మాతలు ఇప్పుడు కాళ్ళ బేరానికి వచ్చి రెండు కోట్లు తగ్గించి 6 కోట్లకు ఈ సినిమాను వదిలించుకున్నట్లు తెలుస్తుంది. దీనికి ఓ కారణం చెబుతున్నారు ట్రేడ్ వర్గాల వారు.

శాటిలైట్ రూల్స్ ప్రకారం ప్రీమియర్ సినిమాలో గంటకు పన్నెండు నిమిషాలకు మించి అడ్వర్టైజ్ మెంట్స్ ఇవ్వకూడదని కేంద్ర సమాచార ప్రసార శాఖ నిబంధనలొచ్చాక శాటిలైట్ రైట్స్ రేట్‌లో ఛానెళ్లు బాగా కోతపెడుతుండమే ఇందుకు కారణంగా చెబుతున్నారు. మొత్తానికి బాలయ్య సినిమా బ్లాక్ బస్టర్ హిట్టు అయినా ఇంత తక్కువకు అమ్మడుపోవడంతో నిర్మాతలు తెగ బాధ పడిపోతున్నారు.