త్రుటిలో ప్రాణాలతో బయట పడింది

Posted: 01/23/2014 10:05 AM IST

యువ సినీ నేపథ్య గాయనీ శ్రావణ భార్గవి త్రుటిలో ప్రమాదం నుండి తప్పించుకొని ప్రాణాలతో బయట పడింది. ఆమె బుధవారం ఉదయం విజయవాడలో ఓ కార్యక్రమంలో పాల్గొనేందుకు హైదరాబాద్ నుండి బయలుదేరి వెళుతుండగా నల్లొండ జిల్లా చిట్యాల మండల శివారులోని జాతీయ రహదారి పై ప్రయాణిస్తున్న ఈ కారుకు రాంగ్ రూట్ లో వస్తున్న ట్రాక్టర్ ని తప్పించబోయి అదుపు తప్పి డివైడర్ ని ఢీ కొడ్డడంతో పెద్ద ప్రమాదం తప్పింది.

ఈ ఘటనలో కారు టైర్ పగిలి అక్కడికక్కడే నిలిచిపోవడంతో పెద్ద ప్రమాదం తప్పిందని లేకుంటే చాలా నష్టమే జరిగేదని అక్కడి స్థానికులు అంటున్నారు. ఈ విషయం తెలుసుకున్న ఆమె భర్త, సింగర్ హేమచంద్ర హుటాహుటిన సంఘటన స్థలానికి చేరుకొని వేరే కారులో విజయవాడకు తీసుకొని వెళ్ళారు. ఈ ప్రమాదం నుండి క్షేమంగా బయట పడటంతో ఆమె ఊపిరి పీల్చుకుంది.