మమతాను వదలని కేన్సర్

Posted: 10/31/2013 09:16 AM IST

మాయదారి కేన్సర్ వ్యాధి సినీ ముద్దుగుమ్మలను వదలడం లేదు. ఇప్పటికే మనీషా కోయిరాల, మమతా మోహన్ దాస్ కేన్సర్ బారిన పడిన విషయం తెలిసిందే. ఈ ముద్దుగుమ్మలు విదేశాల్లో చికిత్స చేయించుకొని కేన్సర్ ని జయించామనే ఆత్మవిశ్వాసంతో ఇండియాకు వచ్చారు. కానీ వీరిని ఇంకా ఆ మహమ్మారి వదిలి వెల్లలేదు.

మనీషా రెండు నెలల క్రితమే గర్భాశయ కేన్సర్ కి అమెరికాలో చికిత్స చేయించుకొని ముంబయికి తిరిగొచ్చింది. కానీ ప్రస్తుతం ఆమె పచ్చకామెర్ల వ్యాధితో బాధపడుతున్నట్లు ట్విట్టర్ ద్వారా తెలియజేసింది. మరో హీరోయిన్ అయిన మమతాను కూడా ఈ వ్యాధిమళ్ళీ భాదిస్తోంది.

అప్పట్లో మమతా విదేశాలకి వెళ్లి క్యాన్సర్‌కు సంబంధించిన చికిత్స పొంది ఈ మధ్యే తిరిగొచ్చింది. ఆత్మవిశ్వా సంతోనే క్యాన్సర్‌ను జయించానని కూడా స్టేట్ మెంట్ ఇచ్చింది. అయితే తాజాగా క్యాన్సర్ భూతం ఆమెను శాశ్వతంగా వదిలి వెళ్లలేదని..మళ్లీ బాధ పెడుతోందని ఆమె సన్నిహితులు చెబుతున్నారు. ప్రస్తుతం ఓ ప్రయివేటు ఆస్పత్రిలో చికిత్స పొందుతోంది. వీరిద్దరు ఆ వ్యాధి నుండి త్వరగా కోలుకొని ప్రేక్షకులను మళ్ళీ అలరించాలని కోరుకుందాం.