మల్టీ స్టారర్ సినిమా నుండి తప్పుకున్న వెంకీ ?

Posted: 10/30/2013 12:00 PM IST

రామ్ చరణ్ కి ఈ మధ్య దెబ్బ మీద దెబ్బ పడుతుంది. మెగా హీరోగా స్టార్ డమ్ తెచ్చుకున్న రామ్ చరణ్ నటించిన గత రెండు సినిమాలు పరాజయాల పాలవ్వడం, నటించిన సినిమాలు విడుదల కాకుండా ల్యాబ్ లోనే ఉండటం లాంటి వాటితో సతమతం అవుతుంటే ఇప్పుడు మరో దెబ్బ తగిలింది. ప్రస్తుతం ఇతను క్రిష్ణవంశీ దర్శకత్వంలో రామ్ చరణ్ - వెంకటేష్ లు హీరోలుగా మల్టీస్టారర్ సినిమా సిద్దం అవుతున్న విషయం తెలిసిందే. ఇప్పుడు ఈ సినిమా ఇండస్ట్రీలో టాక్ ఆఫ్ టౌన్ అయింది. ఇప్పటికే ఈ సినిమాకు సంబంధించిన తారాగణాన్ని, టెక్నీషియన్స్ ని కూడా సెలక్ట్ చేశారు.

తీరా షూటింగ్ కి వెళ్ళనున్న ఈ సినిమాలో నుండి తాజాగా వెంకటేష్ తప్పుకున్నట్లు సమాచారం. ఈ సినిమాలో వెంకటేష్ రామ్ చరణ్ కి అంకుల్ గా నటించే పాత్ర కావడంతో వెంకటేష్ తాను రాంచరణ్ తో నటించలేను అని చెప్పేసాడట. తన వయసేంటి, రాంచరణ్ వయసేంటి, నేను అతనికి అంకుల్ గా నటిస్తే నా స్టార్ డమ్ కు దెబ్బ తగులుతుంది, అందుకే ఈ సినిమా నుండి తప్పుకుంటున్నానని మొహమాటం లేకుండా చెప్పాడట. అసలే సినిమాల హిట్లు లేక ఈ సినిమా పైనే ఆశలు పెట్టుకున్న చరణ్, క్రిష్ణవంశీలకు వెంకటేష్ ఇచ్చిన ఝలక్ తో దిమ్మతిరిగి పోయిందని అంటున్నారు. మరి ఈ పాత్ర కోసం మరొకర్ని ఎంపిక చేస్తాడో లేక సోలోగానే ఈ సినిమాను లాగించేస్తాడో చూడాలి.