పవన్ రికార్డులకు దగ్గరగా మహేష్

Posted: 10/29/2013 04:20 PM IST

టాలీవుడ్ లో టాప్ హీరోల సినిమా మార్కెట్ రోజు రోజుకు పెరిగిపోతుంది. స్టార్ హీరోల సినిమాలు అనగానే ఏరియా డిస్టిబ్యూటర్లు ఎగబడి ఎంత రేటైనా పెట్టి కొనడానికి సిద్ధం అవుతున్నారు. ఇటీవల టాలీవుడ్ లో వచ్చిన పవన్ కళ్యాణ్ సినిమా నైజాం, గుంటూరు రైట్స్ భారీ రేటుకు అమ్ముడయ్యి రికార్డుల్లోకి ఎక్కింది. తాజాగా టాలీవుడ్ సూపర్ స్టార్ మహేష్ బాబు సినిమా రైట్స్ కూడా పవన్ సినిమా రైట్స్ ను చాలా దగ్గరగా వెళ్ళి అమ్ముడైనట్లు టాలీవుడ్ వర్గాల సమాచారం. త్వరలో విడుదల కాబోతున్న మహేష్ ‘1’ నేనొక్కడినే సినిమా గుంటూరు రైట్స్ 4 కోట్లకు యస్ క్రియేషన్స్ అనే సంస్థ దక్కించుకున్నట్లు చెబుతున్నారు.

ఈ సినిమా రైట్స్ ఇంత పలకడానికి మహేష్ బాబు ఓ కారణం అయితే, ప్రేమ కథా చిత్రాల దర్శకుడు సుకుమార్ దర్శకత్వంలో తెరకెక్కుతుండటంతో ఈ సినిమా పై భారీ అంచనాలు ఏర్పడ్డాయి. , ఇటీవల విడుదలైన పవన్ సినిమా 'అత్తారింటికి దారేది' కూడా గుంటూరు ఏరియాకు 4.05 కోట్లకు వెళ్లినట్టు మార్కెట్ వర్గాలు చెబుతున్నాయి. దీనిని బట్టి భవిష్యత్తులో పవన్ - మహేష్ కి బిజినెస్ పరంగా తీవ్రమైన పోటీ నెలకోవడం ఖాయం అంటున్నారు.