నేనొక్కడినే కర్ణాటక రైట్స్

Posted: 10/22/2013 12:35 PM IST

Mahesh 1 nenokkadine karnataka rights sold high flyer

మన తెలుగు హీరోల స్టార్ డమ్ పక్క రాష్ట్రాల్లో ఒకర్ని మించి ఒకరికి పెరిగిపోతుంది. దానికి కారణం మన హీరోల సినిమాలకు మంచి డిమాండ్ ఉండటమే. దీంతో ఆ ప్రాంత డిస్టిబ్యూటర్లు భారీ మొత్తం చెల్లించడానికి కూడా సిద్ధపడుతున్నారు. గతంలో పలు హీరోల సినిమా హక్కులు భారీ రేటు పలకగా, ఇప్పుడు టాలీవుడ్ ప్రిన్స్ మహేష్ బాబు నటిస్తున్న ‘1’ సినిమా కూడా కర్ణాటక హక్కులు భారీ రేటు పలికింది. ఈ సినిమాను 4.5 కోట్లు చెల్లించి దక్కించుకున్నట్లు తెలుస్తుంది. దీంతో కొత్త రికార్డు సృష్టించాడు మహేష్ .

ప్రముఖ దర్శకుడిగా పేరు తెచ్చుకున్న సుకుమార్ ఎంతో శ్రద్దతో ‘1’ చిత్రాన్ని తెరకెక్కిస్తుండటంతో ఈ చిత్రం ఎన్ని రికార్డులు , సంచలనాలు క్రియేట్ చేయబోతుందోనని అభిమానులు ఆసక్తిగా చూస్తున్నారు. ఇప్పుడు పలికిన ఈ రేటు చూస్తుంటే బాక్సాఫీసును షేక్ చేయడం ఖాయం అంటున్నారు. ఇప్పటికే శాటిలైల్ హక్కుల్లో తన సత్తాను చాటిన ఈ సినిమా త్వరలో విడుదలకు సిద్దం అవుతుంది.