రామయ్యా... ఎప్పుడొస్తావయ్యా ?

Posted: 10/08/2013 10:34 AM IST

జూనియర్ ఎన్టీఆర్ - హరీశ్ శంకర్ కాంబినేషన్లో దిల్ రాజు నిర్మాతగా తెరకెక్కిన ‘రామయ్యా వస్తావయ్యా ’ చిత్రం నిన్న సెన్సార్ పూర్తి చేసుకుంది. ఈ చిత్రానికి సెన్సార్ బోర్డు వారు ఎలాంటి కట్ లు చెప్పకుండా క్లీన్ ‘ఎ ’ సర్టిఫికెట్ ఇచ్చేశారు. ఇక చిత్రం విడుదలనే తరువాయి. ఈ చిత్రాన్ని ఈనెల 10 తేదీన ఎట్టి పరిస్థితుల్లో ప్రేక్షకుల ముందుకు తెస్తామని ఆ సినిమా నిర్మాత దిల్ రాజు చెప్పాడు. కానీ ఈ సినిమా విడుదల పై ఇంకా నీలి నీడలు కమ్ముకునే ఉన్నాయి. ఎందుకంటే కేంద్రం రాష్ట్రాన్ని విభజిస్తూ నిర్ణయం తీసుకోవడంతో గత కొన్ని రోజులుగా సీమాంధ్ర అట్టుడుకుతుంది.

ఈ పరిస్థితుల నేపధ్యంలో సినిమాను విడుదల చేయాలా ? వద్దా అన్నీ మీమాంసలో ఉన్నాడు. కానీ దిల్ రాజు సెంటిమెంటుగా భావించే ‘దసరా ’ సీజన్ ని ఎలాగైనా క్యాష్ చేసుకోవాలని అనుకొని ఈ దసరాకి మేం వచ్చేస్తున్నాం . మీరు సిద్దంగా ఉండండి అని ప్రెస్ మీట్ లు పెట్టి మరీ చెప్పాడు. కానీ ఇప్పుడు ఇంత రిస్క్ చేసి విడుదల చేస్తే సినిమాను అడ్డుకుంటే కలెక్షన్ల పై ఆ ప్రభావం ఉంటుందని ఓ ఆలోచన కూడా చేస్తున్నాడు. చివరికి దీన్ని 11వ తేదీన విడుదల చేస్తారని అంటున్నారు. ఆ రోజు రాకుంటే ఈ సినిమా మరో నెల వాయిదా పడే అవకాశం ఉంది. ఇప్పటికే రెండు భారీ సినిమాలకు పెట్టబడి పెట్టి అనుక్షణం టెన్షన్ తో ఉన్న దిల్ రాజు రామయ్యను తీసుకొచ్చి రిలీఫ్ అవుతాడో లేదో చూడాలి ?