భీమవరం బుల్లోడితో భీమినేని సినిమా

Posted: 07/04/2013 08:20 PM IST

కమేడియన్ నుండి పూర్తి స్థాయి హీరోగా మారిన సునీల్ చిన్న హీరోలకు ధీటుగా సినిమాలు చేస్తున్నాడు. ఇటీవల ‘తఢాఖా ’ సినిమాతో తన తఢాఖా చూపించిన సునీల్ ప్రస్తుతం ‘భీమవరం బుల్లోడు ’ సినిమాలో నటిస్తున్నాడు. ఈ సినిమా షూటింగ్ శరవేగంగా జరుపుకుంటుంది. ఇది పూర్తి కాకముందే మరో సినిమాకు కమీట్ అయ్యాడని సమాచారం. తాజాగా తను తమిళంలో హిట్ అయిన ‘సుందర పాడ్యన్ ’ సినిమా రీమేక్ లో నటించాడానికి అంగీకరించాడు. ఈ సినిమాను ‘సుడిగాడు ’ దర్శకుడు భీమినేని శ్రీనివాసరావు డైరెక్ట్ చేయబోతున్నాడు. ఈ చిత్రాలతో పాటు లేడీ డైరక్టర్ బి.జయ దర్శకత్వంలో ఆయన హీరోగా చిత్రం త్వరలో తెరకెక్కనుంది. ఈ చిత్రానికి సంభందించి స్క్రిప్టు వర్క్ ఇప్పటికే పూర్తైందని సమాచారం. లవ్ లీ చిత్రం తో హిట్ కొట్టిన బి.జయ ఈ చిత్రాన్ని కామెడీ ఎంటర్టైనర్ తెరకెక్కించటానికి సన్నాహాలు చేస్తోందని సమచారం. అలాగే సునీల్ మరో కొత్త చిత్రం కమిటయ్యినట్లు సమాచారం. బిందాస్,రగడ చిత్రాల దర్శకుడు వీరూపోట్ల దర్శకత్వంలో ఈ చిత్రం రూపొందనుంది. ఈ చిత్రానికి ' ఫ్రెండ్' అనే టైటిల్ ఫిక్స్ చేసినట్లు తెలుస్తోంది. నల్లమలుపు బుజ్జి ఈ చిత్రాన్ని నిర్మించనున్నారు. ఇక డి. సురేష్ బాబు నిర్మించే భీమవరం బుల్లోడు సినిమా ఆగష్టులో విడుదల చేయడానికి సన్నాహాలు చేస్తున్నారు. మొత్తానికి సునీల్ బిజీ హీరోగా మారిపోయాడని చెప్పవచ్చు.