హుందాయైన రుద్రమదేవి పాత్రలో

Posted: 04/28/2013 11:03 AM IST

అందానికి అందం, నిండైన విగ్రహం, హుందాతనంతో తెలుగు ప్రేక్షకుల హృదయాల్లో తనదంటూ ఒక ప్రత్యేకమైన స్థానాన్ని ఏర్పరచుకున్న అనుష్క గ్లామర్ పాత్రలు కూడా వేసినా, అరుంధతి సినిమాతో హీరో తో ప్రమేయం లేకుండానే సినిమాను నడిపించగల స్త్రీ పాత్రలను పోషించగలదని ఋజువుచేసుకుంది.  

గుణశేఖర్ స్వీయ దర్శకత్వంలో కాకతీయ వైభవాన్ని వెండితెర మీదకు ఎక్కిస్తూ శనివారం హైద్రాబాద్ లో తోట తరణి ఆధ్వర్యంలో రచించిన సెట్ లో చిత్రాన్ని తెరకెక్కించటానికి ఆధునిక స్టీరియో స్కోపిక్ 3డి సాంకేతిక విధానాన్ని చేపట్టారు.  

అలనాటి పరాక్రమం, ధీరత్వాలను కళ్ళకి కట్టినట్టు చూపించటానికి ఈ సినిమాలో ఇంకా రానా, కృష్ణంరాజు, ప్రకాశ్ రాజ్, సుమన్ లు నటిస్తున్నారు.  ఇళయరాజా సంగీతం, సిరివెన్నెల సీతారామ శాస్త్రి గీతాలు, పరుచూరి బ్రదర్స్ మాటలు రుద్రమదేవి సినిమాకు వన్నె తేవటానికి కృషిచేస్తున్నారు.  

-శ్రీజ