Posted: 03/12/2013 04:26 PM IST

విలక్షణ నటుడిగా పేరు తెచ్చుకున్న కమల్ హాసన్ ఇప్పటికీ సినిమాల్లో నటిస్తూ తన విశ్వరూపాన్ని చూపెడుతున్న విషయం తెలిసిందే.  అయితే ఒకప్పటి హీరోయిన్ అయిన గౌతమి, కమల్ హాసన్ జంటగా వెండితెర పై మెరవబోతున్నారని సమాచారం. ఒకప్పుడు వీరిద్దరు కలిసి నటించిన సినిమాలు మంచి హిట్ అయ్యాయి. దీంతో దర్శకుడు బాలా వీరిద్దరిని హీరో హీరోయిన్లుగా పెట్టి ఓ సినిమా చేయడానికి సన్నాహాలు చేస్తున్నారట. ఇందుకు సంబంధించిన కథ కూడా ఇప్పటికే సిద్ధం అయిందట. ఈ చిత్రాన్ని ఆస్కార్ రవిచంద్రన్ నిర్మిస్తారని వార్తలు వస్తున్నాయి. ప్రస్తుతం బాలా, కమల్ హాసన్లు చెరో ప్రాజెక్టుతో బిజీగా ఉన్నారు. వీటి తరువాత ఓ విషయం పై స్పష్టత వచ్చే అవకాశం ఉంది. ఒకవేళ ఇదే కార్యరూపం దాల్చితే వెండితెర పై వీరిద్దరు ఇప్పుడు ఎలా ఉండబోతారో చూడాలి అంటున్నారు సినీ జనాలు.