Posted: 03/01/2013 09:25 PM IST

ఒకప్పుడు వెండి తెరకు ఓ ఊపు ఊపిన నదియా, వయస్సు పైబడినా ఆమెలోని అందాలు ఏమాత్రం తగ్గలేదు. కథానాయిక నుండి క్యారెక్టర్ ఆర్టిస్టుగా మారిన నదియా ఈ మధ్యన ప్రభాస్ నటించిన ‘మిర్చి ’ సినిమాలో ఆయనకు తల్లిగా నటించి అనుష్కకు పోటీనిచ్చింది. ఈ సినిమాలో నదియాను చూసిన వారు తల్లి పాత్ర కాకుండా వేరే పాత్ర చేస్తే బాగుండు అనుకున్నారు. అంత అందంగా ఉన్న నదియాకి ఇప్పుడు తెలుగులో వరుస అవకాశాలు వస్తున్నాయి. తాజాగా ఈమె పవన్ కళ్యాణ్ కి అత్తగా నటించబోతుంది. త్రివిక్రమ్ సినిమాలో నదియా హీరోయిన్ సమంతాకి తల్లిగా నటిస్తుంది. ఈ పాత్ర నదియాకు మంచి పేరు తెస్తుందని గంపడు ఆశతో ఉంది. ప్రస్తుతం శరవేగంగా షూటింగ్ జరుపుకుంటున్న ఈసినిమాకి దేవీ శ్రీ ప్రసాద్ స్వరాలు అందిస్తున్నారు. ఈ సినిమాకు బాణీలు బాగా కంపోజ్ చేశాడనే టాక్ వినిపిస్తుంది. బీవీఎన్ ప్రసాద్ నిర్మిస్తున్న ఈ సినిమా రెండో షెడ్యూలు నగరంలో ప్రారంభం అయింది.