Posted: 01/23/2013 07:49 PM IST

ఇప్పుడిప్పుడే హీరోయిన్ గా అగ్ర హీరోల పక్కన అవకాశాలు దక్కించుకుంటున్న అమలాపాల్ తాజాగా రామ్ చరణ్ హీరోగా వచ్చిన ‘నాయక్ ’ సినిమాలో సెకండ్ హీరోయిన్ గా నటించింది. ఈ సినిమాలో అమలాపాల్ పాత్రకి పెద్దగా ప్రాముఖ్యత ఏమీ లేదు కానీ.... కాస్తంత లెన్తీ సీన్స్ మాత్రం ఉన్నాయి. అయితే ఇఫ్పుడు ఈ సినిమాలో నుండి కొన్ని సన్నివేశాలను తొలగించాలని దర్శకుడు భావించి, అమలాపాల్ తో తీసిన కొన్ని సీన్లు కట్ చేశారట. సాధారణంగా కామెడీ సీన్స్ ని కట్ చేస్తారు. కానీ వినాయక్ సినిమాలో కామెడీ ఓ మోస్తారుగా ఉంటుంది కనుక కామెడీ సీన్స్ కి బదులు అమలా పాల్ సీన్స్ ని తొలంగించారట. దీంతో అమలాపాల్ అలకపాన్పు ఎక్కిందని ఇప్పుడు ఫిలిం నగర్ అంతా అనుకుంటున్నారు. అయితే, ఈ ప్రచారంలో ఎంత మాత్రం నిజం లేదనీ, అమలాపాల్ చేసిన అన్ని సీన్లు సినిమాలో వున్నాయని సన్నిహితులు చెబుతున్నారు. మరి అమలాపాల్ వి ఏ మేరకు కత్తిరించారో ఆ చిత్ర యూనిట్ కే తెలియాలి. మరి అమలాపాల్ ఎప్పుడు అలక వీడుతుందో చూడాలి.