Posted: 12/11/2012 06:18 PM IST

       నారా రోహిత్, నిత్యా మీనన్ జంట వెనకడుగేసింది. ఈనెల 14న ప్రేక్షకుల ముందుకు వచ్చి సందడి చేస్తారనుకున్న వీరి సినిమా పోస్ట్ పోన్ అయింది. ఈ చిత్ర దర్శక నిర్మాతలు తొలుత డిసెంబర్ 7న విడుదల చేస్తున్నామని ప్రకటించారు. ఆ తరువాత 14న విడుదల చేస్తామన్నారు. తాజాగా పలు సమస్యల వల్ల విడుదల తేదీ డిసెంబర్ 21కి వాయిదా పడినట్లు తెలుస్తోంది. నాగ బాబు, సాయి కుమార్ ప్రత్యేక పాత్రలు పోషించిన ఈ సినిమాకి కార్తీక్ సంగీత దర్శకుడు. గతంలో కథ సినిమాని డైరెక్ట్ చేసిన శ్రీనివాస్ రాగ ఈ సినిమాని డైరెక్ట్ చేసాడు.
      కాగా,  ఈనెల 14న నాని, సమంతల ఎటో వెళ్ళిపోయింది మనసు, యమహో యమః సినిమాలు విడుదల కాబోతుండటంతో వాయిదా వేసి ఉండవచ్చని తెలుస్తోంది.

...avnk