Posted: 12/05/2012 06:33 PM IST

    వైజయంతీ మూవీస్‌ - మెగాస్టార్ చిరంజీవి కాంబినేషన్లో ఎన్నో అద్భుతమైన చిత్రాలు వచ్చాయి. చిరు తనయుడు చరణ్ ని తెరంగేట్రం చేయించింది కూడా ఈ సంస్థే.  తాజాగా మరోమారు రామ్‌ చరణ్‌ - అశ్వని దత్  కాంబోలో మరో చిత్రం రాబోతుందని తెలుస్తోంది. దీనికి దర్శకుడు బోయపాటి శ్రీను.
         భద్ర, తులసి, సింహా తర్వాత అంతటి భారీ విజయం కోసం తపిస్తున్న శ్రీను ఈ చిత్రాన్ని అద్భుతంగా తెరకెక్కించాలని ఎదురుచూస్తున్నాడు. ఇప్పటికే స్క్రిప్ట్‌ వర్క్‌ రెడీ అయింది. దానికి కొన్ని తుదిమెరుగులు దిద్దాలని రామ్‌చరణ్‌ సూచించటంతో బోయపాటి ఆపనిలో నిమగ్నమైనట్టు వినికిడి.
        ప్రస్తుతం రామ్‌చరణ్‌ షెడ్యూల్ బిజీగా వుండడంతో ప్రస్తుత ప్రాజక్టులు పూర్తయిన తర్వాతే చరణ్ ఈ మూవీ చేసే అవకాశం ఉంది. జనవరి 2 నుంచి వంశీ చిత్రం 'ఎవడు'లో చేయబోతున్నాడు. ఆల్రెడీ బాలీవుడ్‌లో జంజీర్ ప్రోగ్రెస్ లో ఉన్న సంగతి తెలిసిందే..

...avnk