Posted: 09/10/2012 02:00 PM IST

        భక్తి ప్రపత్తిని చాటే చిత్రాలపై మోజుపెంచుకుంటున్న అక్కినేని నాగార్జున ఇటీవలే 'శిరిడీ సాయి' గా కనిపించి ఆథ్యాత్మికతను చాటుతున్నారు. అంతకుముందు అన్నమయ్యగా, శ్రీరామదాసుగా నటించి మెప్పించారు. ఇక ఇప్పుడు హైందవమత విశిష్టతను విశ్వ వ్యాప్తం చేసిన వివేకానందుని గురువైన రామకృష్ణ పరమహంస జీవిత కథను తెరకెక్కించాలన్న ఆలోచనలో నాగార్జున వున్నట్టు వార్తలు వినికిడి. 'శిరిడీ సాయి' సినిమాలో ఓ సందర్భంలో రామకృష్ణ పరమహంస పాత్రలో కనిపించిన నాగార్జున, ఆ పాత్రకు కూడా బాగా సూట్ అయ్యారంటూ ప్రశంసలు వచ్చాయి. వీటిని దృష్టిలో పెట్టుకుని ఆ పాత్ర పోషణకు ఆయన సిద్ధపడుతున్నట్టు చెబుతున్నారు. అయితే, ఈ ప్రాజక్టు ఇంకా ప్రాధమిక చర్చల స్థాయిలోనే వుందట. సాద్యాసాధ్యాలను పరిశీలించిన మీదట దీనిపై ఓ నిర్ణయం తీసుకుంటారని అంటున్నారు.
       ఇక మన కింగ్ నాగ్ నటిస్తున్న లవ్ అండ్ ఎంటర్ టైన్మెంట్ ‘లవ్ స్టొరీ’ చిత్రం త్వరలోనే స్విట్జర్లాండ్ లో చిత్రీకరణ జరుపుకోనుంది. ఈ చిత్ర పూర్తి టీం ఈ నెల 13న స్విట్జర్లాండ్ కి బయలుదేరనుంది. సెప్టెంబర్ 17 నుండి జురిచ్ మరియు స్విట్జర్లాండ్ లలో చిత్రీకరణ మొదలవుతుంది ఈ షెడ్యూల్ లో నాగార్జున నయనతార మీద కొన్ని కీలక సన్నివేశాలను చిత్రీకరించనున్నారు. ఈ షెడ్యూల్ పూర్తి అయిన తర్వాత మిగిలిన చిత్రీకరణ కోసం ఈ చిత్ర టీం యు.ఎస్ కు పయనమవుతారు. ఈ చిత్రంలో ఇండియాకి మొదటి సారి వచ్చే ఎన్.ఆర్.ఐ పాత్రలో నాగార్జున కనిపించనున్నారు. ‘బాస్’ చిత్రం తర్వాత నయనతార నాగార్జున సరసన నటిస్తున్న ఈ సరికొత్త ‘లవ్ స్టొరీ’ చిత్రానికి దశరథ్ దర్శకత్వం వహిస్తున్నారు. కామక్షి మూవీస్ బ్యానర్ పై డి. శివ ప్రసాద్ రెడ్డి నిర్మిస్తున్న ఈ చిత్రానికి ఎస్.ఎస్ తమన్ సంగీతం అందిస్తున్నారు.

...avnk