Posted: 09/10/2012 04:38 PM IST

        ప్రియమణి ప్రధాన పాత్రలో నటిస్తున్న సరికొత్త కథా చిత్రం ‘చారులత’. ఈ మూవీ శేఖర్ కమ్ముల ‘లైఫ్ ఈజ్ బ్యూటిఫుల్’ చిత్రం విడుదలరోజునే రిలీజ్ కావాల్సిఉంది. అయితే కొన్ని అనివార్య కారాణాల రిత్యా ఈ హార్రర్ సినిమాని మొదట సెప్టెంబర్ 14న విడుదల చేయాలనుకున్నారు. తాజా సమాచారం ప్రకారం ప్రియమణి అవిభక్త కవలుగా నటిస్తున్న ‘చారులత’ చిత్రం సెప్టెంబర్ 21న ప్రేక్షకుల ముందుకు రానుంది. పోన్ కుమరన్ దర్శకత్వం వహిస్తున్న ఈ చిత్రాన్ని రమేష్ మూర్తి నిర్మించారు. కన్నడ మరియు తమిళ బాషలలో తెరకెక్కించిన ఈ చిత్రాన్ని తెలుగులో అనువాదం చేస్తున్నారు. మూడు బాశాల్లోను ఈ చిత్రాన్ని ఒకే సారి విడుదల చేయడానికి ప్లాన్ చేస్తున్నారు. ప్రియమణి సరసన స్కంద ఒక ప్రధాన పాత్ర పోషించారు. ఈ సినిమాలో ప్రియమణి చేసిన పాత్ర ప్రేక్షకులకు ఖచ్చితంగా నచ్చుతుందని సినిమా విజయం సాదిస్తుందని ఈ చిత్ర నిర్మాత రమేష్ పూర్తి నమ్మకంగా ఉన్నారు. సుందర్ సి బాబు సంగీతం అందించిన ఈ చిత్రాన్ని గీతా ఆర్ట్స్ బ్యానర్ పై అల్లు అరవింద్ డిస్ట్రిబ్యూట్ చేస్తున్నారు. ఈ చిత్రం ద్వారా తనకు అవార్డు ఖాయంగా భావిస్తోంది ప్రియ..

ఇదిలా ఉండగా, శేఖర్ కమ్ముల దర్శకత్వంలో తెరకెక్కిన ‘లైఫ్ ఈజ్ బ్యూటిఫుల్’ చిత్రం ఈ నెల 14న ప్రేక్షకుల ముందుకు రానుంది. ఈ చిత్రం భారీగా ప్రపంచ వ్యాప్తంగా విడుదల కానుంది. ఈ చిత్ర యు.ఎస్ ప్రింట్స్ సమాచారం...  15 సాదారణ ప్రింట్స్, 52 డిజిటల్ ప్రింట్స్ రేపు సాయంత్రం యు.ఎస్ ఫ్లైట్ లో వెళ్లనున్నాయి. ఈ చిత్రంలో నూతన నటీనటులతో పాటు అమల అక్కినేని, శ్రియ సరన్ మరియు అంజలా జావేరి కీలక పాత్రలు పోషించారు. ఈ చిత్రానికి మిక్కీ జె మేయర్ సంగీతం అందించారు.

...avnk