Posted: 08/28/2012 04:24 PM IST

       అక్కినేని కుటుంబంలోని ముగ్గురు కథానాయకులైన నాగేశ్వరరావు, నాగార్జున, నాగ చైతన్య కాంబినేషన్లో ఓ సినిమా తెరకెక్కనుందనీ ... ఆ సినిమా పేరు 'త్రయం' అని కొంతకాలంగా ప్రచారం జరుగుతోంది. అయితే ఇది కేవలం పుకారే నని ఇప్పుడు తేలిపోయింది. దీనిమీద కింగ్ నాగార్జున స్పష్టత ఇచ్చారు. అన్నపూర్ణ బ్యానర్లో తమ కాంబినేషన్లో సినిమా రానున్న మాట వాస్తవమేగానీ ... ఈ సినిమా పేరు 'త్రయం' అంటూ జరుగుతోన్న ప్రచారంలో ఏమాత్రం నిజంలేదని తేల్చి చెప్పారు.  ఈ సినిమా టైటిల్ ను ఇంకా ఖరారు చేయలేదనీ ... అక్కినేని కుటుంబాన్ని ఆరాధించే అభిమానులందరికీ ఈ సినిమా సంతృప్తిని కలిగించేదిలా ఉంటుందని అన్నారు.  తన సినిమాలు 'శిరిడీసాయి',  'డమరుకం' విడుదలకు ముస్తాబౌతుండగా, 'లవ్ స్టోరీ' చిత్రం షూటింగ్ దశలో ఉందని చెప్పారు. ఈ సినిమా తరువాత వీరభద్రం దర్శకత్వంలో 'భాయ్' చిత్రం, బెల్లంకొండ సురేష్ నిర్మాణంలో మరో సినిమా చేయనున్నట్లు వెల్లడించారు.
        ఇదిలా ఉండగా,  నాగార్జున, అనుష్క జంటగా నటించిన సోషియో ఫ్యాంటసీ చిత్రం 'డమరుకం' వైజాగ్ హక్కులను ప్రముఖ నిర్మాత బెల్లంకొండ సురేష్ తీసుకున్నారు. 2 కోట్ల 25 లక్షల ఫ్యాన్సీ రేటు ఇచ్చారని ఆంధ్ర విశేష్ కు అందిన విశ్వసనీయ సమాచారం.

...avnk