Posted: 08/28/2012 04:03 PM IST

 సూపర్ గుడ్ ఫిలిమ్స్ అధినేత ఆర్ బి చౌదరి తనయుడు జీవా హీరో గా తెరకెక్కుతోన్న ప్రతిష్టాత్మక చిత్రం మాస్క్ గా తెలుగు ప్రేక్షకుల ముందుకు రాబోతోంది. ‘రంగం' సినిమాతో అందరి చూపూ తనవైపు తిప్పుకున్న జీవా సరసన ఈ మూవీలో పూజాహేగ్డే నటిస్తోంది.  'మూగముడి' అనే  తమిళ చిత్రాన్ని తెలుగులో 'మాస్క్‌'గా విడుదల చేస్తున్నారు. మిస్‌కిన్‌ దర్శకత్వంలో తమిళంలో యుటీవీ సంస్థ ఈ మూవీ నిర్మించింది. తెలుగులో సూపర్‌గుడ్‌ ఫిలింస్‌ ద్వారా విడుదలవుతుంది. నిర్మాతల్లో ఒకరైన పారస్‌జైన్‌ ఈ చిత్రం గురించి వివరిస్తూ.. 'ఇటీవలే విడుదలైన ఆడియోకు మంచి స్పందన లభించింది. తమిళంలో టాప్‌ దర్శకుల్లో మిస్‌కిన్‌ ఒకరు. రెగ్యులర్‌ చిత్రాలకంటే భిన్నమైన కథ ఇది. సూపర్‌మేన్‌ పాత్రలో జీవా అద్భుతంగా నటించాడు' అన్నారు.
       జీవా మాట్లాడుతూ..'నాకు కామిక్‌ క్యారెక్టర్స్‌ చేయాలనే కోరిక ఉండేది. మిస్‌కిన్‌ చెప్పిన కథ నాకు నచ్చింది. అమ్మాయి ప్రేమ కోసం సూపర్‌హీరోగా మారతాను. ఛాలెంజింగ్‌ పాత్ర. ఇందులో బ్రూస్లీగా కూడా నన్ను చూపించారు. కుంగ్‌ఫూ ఫైట్స్‌కూడా ఉన్నాయి. వాటిని నేర్చుకున్నా. 90 రోజులపాటు 11 కేజీల మాస్క్‌ మోయడం చాలా భారమైనా ఇష్టంగా చేశాను' అని చెప్పారు. పూజాహెగ్డే మాట్లాడుతూ...'పాటలు బాగున్నాయి. కె.అందించిన మూడు పాటలు అద్భుతంగా వచ్చాయి' అన్నారు. తనకంటూ ప్రత్యేక శైలి లో ప్రేక్షకుల ముందుకు వస్తోన్న జీవా కు ఈ చిత్రం మరింత క్రేజ్ తెచ్చిపెడుతుందని సినీ వర్గాల భావన. ఇవాళే విడుదలైన ‘మాస్క్’ మూవీ స్టిల్స్ మీకోసం..

 

 

 

 

...avnk