Posted: 08/02/2012 02:51 PM IST

       ఇటీవల తమిళంలో విడుదలై ఘనవిజయం సాధించిన 'మొరటు కాలై' చిత్రం టాలీవుడ్ ప్రేక్షకుల ముందుకు రాబోతోంది. తెలుగులో ఈ చిత్రాన్ని 'మొండిమొగుడు' పేరుతో 'జే' షైన్‌ వెంచర్స్‌ పతాకంపై సీనియర్‌ ఫిల్మ్‌ జర్నలిస్ట్‌ కొర్రపాటి వెంకటేశ్వరరావు అనువదిస్తున్నారు. ఈ సందర్భంగా నిర్మాత మాట్లాడుతూ 'తమిళంలో షాపింగ్‌ మాల్‌ వంటి హిట్‌ చిత్రాన్ని నిర్మించిన బ్యానర్‌ ద్వారా ఘనవిజయం సాధించిన చిత్రమిది. ఇందులో మొత్తం ఐదుపాటలు, ఫైట్స్‌ వుంటాయి. పూర్తి వినోదభరితంగా, కుటుంబ సమేతంగా చూడదగ్గ యాక్షన్‌ చిత్రమిది.ప్రస్తుతం డబ్బింగ్‌ కార్యక్రమాలు పూర్తయ్యాయి. త్వరలో ఆడియోను రిలీజ్‌ చేసి ఆగస్టు నెలాఖరులోగా చిత్రాన్ని విడుదల చేయడానికి సన్నాహాలు చేస్తున్నాం' అని తెలిపారు.
         స్నేహ, సింధూ తులానీ, సుందర్‌.సి., సుమన్‌, దేవన్‌, వివేక్‌ ముఖ్యపాత్రలు పోషించిన ఈ చిత్రానికి రచన:భారతీబాబు, సంగీతం : శ్రీకాంత్‌దేవా, సమర్పణ : అశోక్‌ నలజాల, దర్శకత్వం: సెల్వభారతి, నిర్మాత : కొర్రపాటి వెంకటేశ్వరరావు.

...avnk