Posted: 07/30/2012 07:32 PM IST

       ఈ ఏడాది మేటి పెళ్లిగా భావిస్తోన్న వివాహం చరణ్ – ఉపాసనలది. అయితే రాంచరణ్ భార్య ఉపాసన జూలై 20 న తన పుట్టినరోజు వేడుకను జరుపుకుంది. తమ వివాహం జరిగాక వచ్చిన తొలి పుట్టినరోజు కావడంతో, ఆమె కోసం చరణ్ విదేశాల నుంచి అరుదైన కానుకను తెప్పించాడు. చరణ్ కీ ... ఉపాసనకి మేలు జాతి గుర్రాలంటే ఎంతో ఇష్టమనే సంగతి తెలిసిందే. ఈ నేపథ్యంలో చరణ్ తన భార్య పుట్టిన రోజు కానుకగా మినియేచర్ జాతికి చెందిన ఓ గుర్రాన్ని ఐర్లాండ్ నుంచి తెప్పించాడు. 14 - 15 ఏళ్లపాటు జీవించే ఈ గుర్రం కేవలం 31 అంగుళాల వరకూ మాత్రమే పెరుగుతుంది. ముద్దుగా ... ముచ్చటగా కనిపించే ఈ గుర్రం ఉపాసనకి ఎంతగానో నచ్చిందనీ, ఆమె సంతోషం చూశాక ఆ గుర్రం కోసం తాను పడిన శ్రమ మరిచిపోయానని చరణ్ చెప్పాడు. ఏ డైమండ్ నేక్లేసో ... ఖరీదైన కారో తీసుకువచ్చినా ఆమె ఇంతగా సంబరపడేదికాదని అన్నాడు. ఇలాంటి అపురూపమైన కానుకని ఇంతవరకూ అందుకోలేదని ఉపాసన అనడం తనకి ఎంతో సంతోషాన్ని కలిగించిందని చెప్పాడు. ఈ గుర్రానికి ఎయిర్ కండీషనర్ తో కూడిన షెల్టర్ ని నిర్మించడానికి తన తల్లి కూడా అంగీకరించిందని చరణ్ అన్నాడు. ఏదేవైనా ఈ గుర్రం రాకతో తమ ఇంటి వాతావరణం పూర్తిగా మారిపోయిందంటూ ఆనందాన్ని వ్యక్తం చేశాడు. ఇంకేంటి ఇక ఆ మూగ జీవి పంట పండిందన్నమాటే..

...avnk