Posted: 07/26/2012 06:09 PM IST

      ఆర్ బి చౌదరి తనయుడు కొత్త రూపం ఎత్తబోతున్నాడు. 'రంగం' చిత్రంతో తనకంటూ ఓ ప్రత్యేకమైన గుర్తింపును తెచ్చుకున్న జీవా, త్వరలో సూపర్ హీరోగా ప్రేక్షకులను అలరించనున్నాడు. సూపర్ హీరోగా జీవా చేసే అద్భుతమైన విన్యాసాలు అదరహో అనిపించే స్థాయిలో ఉంటాయని చెప్పుకుంటున్నారు. భారీ బడ్జెట్ తో ఎన్నో వ్యయ ప్రయాసలకి ఓర్చి నిర్మిస్తోన్న ఈ సినిమా పేరు 'ముగమూడి'. యూటీవీ మోషన్ పిక్చర్స్ వారు నిర్మిస్తోన్న ఈ సినిమాకి మిస్కిన్ దర్శకత్వం వహించారు. పూజా హెగ్డే కథానాయిక గా నటిస్తోన్న ఈ సినిమా, రెండు పాటల మినహా టాకీ పార్ట్ ను పూర్తి చేసుకుంది. ఈ రెండు పాటలను ప్రస్తుతం స్విట్జర్లాండ్ లోని అందమైన లొకేషన్లలో చిత్రీకరిస్తున్నారు. ఈ సినిమాని తమిళ్లో యూటీవీ మోషన్ పిక్చర్స్ వారు విడుదల చేస్తుండగా, తెలుగులో జీవా తండ్రి ఆర్.బి.చౌదరి విడుదల చేస్తున్నారు. ఈ రెండు భాషలలోను ఈ సినిమా ఆగస్టు 31 న ప్రేక్షకుల ముందుకి రానుంది.

...avnk