Posted: 07/26/2012 06:01 PM IST

       అల్లరి నరేష్ 'కెవ్వుకేక' పెట్టబోతున్నాడు. 'గబ్బర్ సింగ్' సినిమాలో దుమ్మురేపిన ఈ పాట ఇప్పుడు సినిమా టైటిల్ గా మారిపోయింది. 'కెవ్వుకేక' పేరుతో అల్లరి నరేష్ కథానాయకుడిగా ఓ సినిమా రూపొందుతోంది. జాహ్నవి ప్రొడక్షన్స్ బ్యానర్ పై చంద్రశేఖర్ నిర్మిస్తోన్నారు.  సినిమా గురించి హీరో అల్లరి నరేష్ మాట్లాడుతూ ... గతంలో తాను దేవిప్రసాద్ డైరెక్షన్లో 'బ్లేడ్ బాబ్జీ' చిత్రంలో నటించాననీ ... ఆ సినిమా అనూహ్యమైన విజయాన్ని సాధించిందని చెప్పారు. తమ కాంబినేషన్లో వస్తోన్న ఈ సినిమాలో కూడా 'కెవ్వుకేక' అనిపించే స్థాయిలో కామెడీ ఉంటుందని అన్నారు. ఇక దేవిప్రసాద్ మాట్లాడుతూ, 'బ్లేడ్ బాబ్జీ' విజయం తన బాధ్యతని మరింత పెంచిందనీ ... ఆ సినిమాలో వర్కౌట్ చేసిన కామెడీకి రెండింతలు ఈ సినిమాలో చూడవచ్చని చెప్పారు. ముఖ్యంగా ఈ సినిమా టైటిల్ కి వచ్చిన స్పందన తమకి మరింత ఉత్సాహాన్ని కలిగిస్తోందని అన్నారు. సెప్టెంబర్ 14 నుంచి ఈ సినిమా రెగ్యులర్ షూటింగ్ జరుపుకుంటుందనీ ... ఆ తరువాత షెడ్యూలును బ్యాంకాక్ లో ప్లాన్ చేశామని చెప్పారు.

...avnk