Posted: 07/24/2012 06:53 PM IST

       పెళ్లి అనంతరం వరుస సినిమా షూటింగ్స్ తో క్షణం తీరిక లేకుండా ఉన్నాడు కొత్త పెళ్లికొడుకు మెగాపవర్ స్టార్ రామ్ చరణ్.  వినాయక్ దర్శకత్వంలో చరణ్ నటిస్తోన్న చిత్రం (వర్కింగ్ టైటిల్ - చెర్రీ ) షూటింగ్ ప్రస్తుతం కోల్ కతాలో జరుగుతోంది. తదుపరి షెడ్యూలు కోసం ఈ సినిమా యూనిట్ గ్రీస్ వెళ్లనుంది. గ్రీస్ లోను ... ఐస్ ల్యాండ్ లోను ఈ సినిమాకి సంబంధించిన పాటల చిత్రీకరణను ప్లాన్ చేసినట్టు చెబుతున్నారు. అందువల్ల ఈ సినిమా యూనిట్ సభ్యులు కోల్ కతాలో షూటింగ్ పూర్తి కాగానే, తమ మకాంని అటు నుంచి అటే గ్రీస్ కు మార్చేస్తారు. తెలుగు ప్రేక్షకులకి  కొత్త కొత్త ప్రకృతి సౌందర్యాన్ని చూపించడం కోసమే ఈ సినిమా పాటలను అక్కడ ప్లాన్ చేసినట్టుగా చెబుతున్నారు. చరణ్ ద్విపాత్రాభినయం చేస్తోన్న ఈ సినిమాలో కాజల్ - అమలాపాల్ కథానాయికలుగా కనువిందు చేయనున్నారు. డీవీవీ దానయ్య నిర్మిస్తోన్న ఈ భారీ బడ్జెట్ చిత్రానికి తమన్ స్వరాలను సమకూరుస్తున్నారు. ఈ సినిమా షూటింగ్ ప్రస్తుతం ఫుల్ స్వింగ్ లో జరుగుతోంది.

...avnk